Íslendingaslagur í undanúrslitum
Setja bókamerki
New York City, lið Guðmundar Þórarinssonar, komst í kvöld í gegnum fyrstu umferðina í úrslitakeppninni um bandaríska meistaratitilinn í knattspyrnu, og þar með er ljóst að Íslendingaliðin mætast í undanúrslitum Austurdeildarinnar.
New York City vann Atlanta á heimavelli í kvöld, 2:0, þar sem Valentin Castellanos og Alexander Callens skoruðu mörkin á fyrstu átta mínútum síðari hálfleiks. Guðmundur var varamaður hjá New York í kvöld og kom ekki við sögu.
New York City komst með því í undanúrslit Austurdeildarinnar og þarf þar að sækja heim lið New England Revolution, sem jafnaldri Guðmundar og samherji úr íslenska landsliðinu, Arnór Ingvi Traustason, leikur með. New England vann yfirburðasigur í Austurdeildinni og sat því hjá í fyrstu umferðinni.
Sigurliðið í viðureign New England og New York City, sem fram fer að kvöldi 30. nóvember, kemst í úrslitaleik Austurdeildarinnar. Liðið sem vinnur þann leik spilar síðan til úrslita við sigurvegara Vesturdeildarinnar um bandaríska meistaratitilinn.
Fordæmalaust fárviðri sem gæti orðið sögulegt
Kennarar hafi ekki svarað foreldrum
„Það þarf einhverja viðhorfsbreytingu“
Rýna í rýmingar á morgun
Sviptur leyfi eftir hundamisnotkun
Tveggja ára fangelsi fyrir manndráp á Lúx
Björn segir af sér stjórnarformennsku