United í 16-liða úrslit
Setja bókamerki
Manchester United er komið áfram í 16-liða úrslit Meistaradeildar Evrópu í fótbolta eftir 2:0-útisigur á Villarreal í kvöld.
United er með tíu stig þegar liðið á einn leik eftir í riðlakeppninni á meðan Villarreal er í öðru sæti með sjö. Villarreal getur ekki náð United vegna innbyrðisúrslit á meðan neðsta liðið Young Boys er aðeins með þrjú stig. Atalanta getur enn náð United, en þá myndi enska liðið enda í öðru sæti.
Eftir frekar tíðindalítinn fyrri hálfleik, þar sem Villarreal var sterkari aðilinn, lifnaði leikurinn við á 66. mínútu er þeir Marcus Rashford og Bruno Fernandes komu inn á fyrir Anthony Martial og Donny van de Beek.
Tólf mínútum síðar var Cristiano Ronaldo búinn að koma United yfir eftir að Fred komst inn í sendingu heimamanna og þaðan fór boltinn á Portúgalann sem vippaði skemmtilega yfir markvörð Villarreal og í markið.
Öðrum tólf mínútum síðar lagði Jadon Sancho endahnútinn á skyndisókn með að negla boltann í slánna og inn og þar við sat, en markið var það fyrsta hjá Sancho fyrir United. Mistakist Atalanta að vinna Young Boys síðar í kvöld er United öruggt með efsta sæti F-riðils.
| Villarreal | 0:2 | Man. Utd |
|
|---|---|---|---|
| Jadon Sancho (Man. Utd) skorar 0:2 - United er á leiðinni í 16-liða úrslit! Eftir eldsnögga skyndisókn fær Sancho boltann í teignum og hann neglir honum í slánna og í netið! | |||
„Svakalega öflug lægð“
„Með þeim stærri sem hefur mælst“
„Hann neitaði ekki sök á þessum fundi“
Foreldrar stefna kennurum: „Þetta er neyðaraðgerð“
„Hefur tekist að virkja fólkið í landinu með okkur“
Bráðabirgðalögbann á Trump