Lewandowski bestur annað árið í röð

Pólverjinn Robert Lewandowski var besti knattspyrnumaður heims árið 2021 samkvæmt árlegri kosningu The Guardian á Englandi sem jafnan finnur út hundrað bestu leikmenn ársins á jarðarkringlunni.

Mikill fjöldi sérfræðinga um heim allan tekur þátt í kosningu The Guardian þar sem hver og einn stillir upp lista þar sem hann velur 40 bestu leikmennina.

Niðurstaðan í ár var sú að Robert Lewandowski varð efstur, annað árið í röð. Lionel Messi varð annar, Mohamed Salah þriðji, Karim Benzema fjórði og Jorginho fimmti.

Þar á eftir komu Kylian Mbappé, Erling Haaland, Cristiano Ronaldo, N'Golo Kanté og Kevin De Bruyne.

Listann yfir þá 100 bestu má sjá hér.

• Blogga um frétt