Hvorki Heimir né Milos fær starfið

Svíinn Andreas Brännström verður næsti þjálfari sænska knattspyrnuliðsins Mjällby, og það þýðir að hvorki Heimir Hallgrímsson né Milos Milojevic hreppir hnossið.

Félagið hefur ekki staðfest þetta en í morgun sagði íþróttasjtóri félagsins við Kristianstadsbladet að þessir þrír kæmu til greina.

Aftonbladet segir að búið sé að velja Brännström sem síðast var aðstoðarþjálfari Hajduk Split í Króatíu. Íþróttastjóri Mjällby staðfestir við blaðið að búið sé að ákveða hver taki við liðinu en ekki hver það sé.

• Blogga um frétt