Hallbera til Kalmar

Landsliðskonan margreynda, Hallbera Guðný Gísladóttir, er formlega gengin í raðir Kalmars, sem er nýliði í sænsku úrvalsdeildinni í knattspyrnu kvenna á komandi tímabili.

Hall­bera lék með AIK, sem var einnig nýliði í deild­inni á síðasta tíma­bili. Var hún einn lykilmanna liðsins sem stóð sig vel og var aldrei í fall­bar­áttu þrátt fyr­ir að vera nýliði.

Samningur Hallberu við AIK var aðeins til eins árs og því var henni frjálst að róa á önnur mið.

Kalmar staðfesti það skömmu fyrir jól að Hallbera hefði samið við liðið, en það hafnaði í öðru sæti sænsku B-deild­ar­inn­ar á síðasta tíma­bili og komst þar með beint upp í úr­vals­deild­ina, en þrjú efstu lið deild­ar­inn­ar fóru beint upp vegna fjölgunar liða í úrvalsdeildinni úr tólf í fjórtán.

„Ég er ánægð með að hafa gengið til liðs við Kalmar og spennt fyrir að hefja æfingar með liðinu.

Þetta verður erfitt tímabil en ef við leggjum hart að okkur getur þetta einnig verið árangursríkt tímabil,“ sagði Hallbera í samtali við heimasíðu Kalmars.

Hall­bera, sem hef­ur einnig leikið með Piteå og Djurgår­d­en í sænsku úr­vals­deild­inni á ferli sínum, mun hitta fyr­ir ann­an ís­lensk­an leik­mann, Andr­eu Thoris­son, sem hef­ur leikið með Kalm­ar und­an­far­in tvö tíma­bil.

• Blogga um frétt