Kinnbeinsbrotnaði eftir fall af rafskútu

Oliver Glasner, knattspyrnustjóri þýska félagsins Eintracht Frankfurt, varð fyrir því óhappi að kinnbeinsbrotna eftir að hafa dottið af rafskútu. Þurfti hann af þeim sökum að gangast undir aðgerð á andliti.

„Því miður missti ég athyglina í smástund og datt illa. Sem betur fer kom ekkert alvarlegra fyrir mig. Andlitið er bólgið en annars er allt í lagi með mig,“ sagði Glasner í samtali við Kicker.

Ætti hann að geta hafið störf að nýju á morgun eða miðvikudag og verður því að öllum líkindum á hliðarlínunni í leiknum gegn Borussia Dortmund næstkomandi laugardag.

• Blogga um frétt