Krossbandið mögulega slitið

Ítalski landsliðsmaðurinn Federico Chiesa þurfti að fara af velli vegna meiðsla er Juventus vann ótrúlegan 4:3-útisigur á Roma í ítölsku A-deildinni í fótbolta í kvöld. 

Chiesa fór sárþjáður af velli á 31. mínútu eftir baráttu við Ainsley Maitland-Niles. Dr. Rajpal Brar, sem sérhæfir sig í íþróttameiðslum, greinir frá á Twitter í kvöld að krossbandið gæti verið slitið hjá Chiesa.

Sé það raunin gæti sóknarmaðurinn verið frá keppni í allt að átta til níu mánuði. Rajpal Brar birti myndband af meiðslunum á Twitter í dag og benti á að hnéð á Chiesa hafi hreyfst á óeðlilegan hátt, sem líklegast þýddi að krossbandið væri slitið.

• Blogga um frétt