Albert mættur til Genoa

Albert Guðmundsson landsliðsmaður í knattspyrnu er kominn til Genoa á Ítalíu til að gangast undir læknisskoðun hjá Genoa og skrifa undir samning við félagið.

Fréttamaðurinn Gianluca Di Marzio segir frá þessu á heimasíðu sinni og birtir þar myndir af Alberti og fjölskyldu á  flugvellinum í Genoa í morgun.

Þar er sagt að Genoa og AZ hafi gengið frá samningum sín á milli í gærkvöld en eins og fram hefur komið er kaupverðið 1,2 milljón evrur.

Albert Guðmundsson og fjölskylda á flugvellinum í Genoa í morgun. Ljósmynd/Gianlucadimarzio.com

• Blogga um frétt