Íþróttir | Fótbolti | mbl | 6.2.2022 | 21:52

Mané tryggði Senegal Afríkumeistaratitilinn

Leikmenn Senegala fagna vel og innilega í leikslok.
Leikmenn Senegala fagna vel og innilega í leikslok. AFP

Senegal er Afríkumeistari karla í fótbolta í fyrsta sinn eftir sigur á Egyptalandi í úrslitaleik í Kamerún í kvöld. Úrslitin réðust í vítakeppni eftir markalausan leik.

Senegal var sterkari aðilinn stærstan hluta leiks og Sadio Mané, leikmaður Liverpool, fékk besta færið strax á 7. mínútu en Gabaski í marki Egyptalands varði frá honum víti.

Þrátt fyrir að hafa fengið fleiri góð færi tókst Senegal ekki að skora í venjulegum leiktíma né framlengingu og því réðust úrslitin í vítakeppni.

Þar skoraði Senegal úr fjórum af fimm spyrnum en Egyptaland aðeins úr tveimur af fjórum. Mané bætti upp fyrir vítið í venjulegum leiktíma með því að skora sigurmarkið í vítakeppninni.

Mo Salah, fyrirliði Egyptalands og stjörnuleikmaður Liverpool, lék allan leikinn með Egyptalandi en tók ekki vítaspyrnu.

Sadio Mané og Mo Salah ræða málin í kvöld.
Sadio Mané og Mo Salah ræða málin í kvöld. AFP
mbl.is
Fleira áhugavert
Engar viðvaranir í kortunum næstu daga Skemmdir á tækjum og búnaði á skíðasvæðinu „Sá það bara hverfa í einni vindhviðu“ Neyðarástand: Merki um landris og þúsundir flýja
Fleira áhugavert
„Það er búið að þvarga hérna fram og til baka“ „Lán að sá sem stóð við ræsið heyrði skruðningana“ „Ég veit hver aðkoma ráðuneytisins var“ Skólanum lokað vegna músagangs