„Líður sem hjarta mitt virki ekki sem skyldi“

Sergio Agüero, Argentínumaðurinn sem þurfti að hætta knattspyrnuiðkun vegna hjartavandamála, segist missa öndina þegar hann reyni að spila fótbolta þessa dagana.

Agüero kvartaði und­an eymsl­um í brjósti í leik með Barcelona gegn Ala­v­és í lok októ­ber síðastliðins og var hraðað á spít­ala þar sem hann gekkst und­ir ýms­ar hjart­a­rann­sókn­ir.

Frétt af mbl.is

Leggur skóna á hilluna vegna hjartavandamála

Um miðjan desember tilkynnti Agüero svo formlega að hann þyrfti að leggja knattspyrnuskóna á hilluna vegna hjartavandamála.

„Þegar ég spila fótbolta þessa dagana missi ég andann. Stundum velti ég því fyrir mér hvort ég muni nokkru sinni geta tekið spretti aftur. Mér líður bara eins og hjarta mitt virki ekki sem skyldi,“ sagði Agüero á twitch-streymissíðu sinni.

• Blogga um frétt