FIFA samþykkir 26-manna leikmannahópa á HM

Alþjóðaknatt­spyrnu­sam­bandið, FIFA, hef­ur samþykkt að leyfa þátt­tök­uliðum á HM 2022 í Kat­ar að velja 26 leik­menn í leik­manna­hópa sína, líkt og var raun­in á EM 2020 á síðasta ári.

Upp­haf­lega var ákvörðun Knatt­spyrnu­sam­bands Evr­ópu, UEFA um að leyfa 26-manna leik­manna­hópa á EM 2020 tek­in vegna kór­ónu­veirufar­ald­urs­ins en nú hef­ur FIFA ákveðið að fylgja UEFA að mál­um.

Á stór­mót­um karla í knatt­spyrnu hafði venj­an verið 23-manna leik­manna­hóp­ar.

Í til­kynn­ingu frá FIFA seg­ir að all­ir 15 leik­menn­irn­ir sem eru ekki í byrj­un­arliði megi sitja á bekkn­um, sem var ekki raun­in á EM 2020 þegar þrír leik­menn voru ávallt utan hóps.

Frest­ur fyr­ir öll 32 liðin sem taka þátt á HM 2022 í Kat­ar í nóv­em­ber næst­kom­andi renn­ur út 20. októ­ber, 30 dög­um áður en opn­un­ar­leik­ur Senegal og Hol­lands fer fram.

FIFA greindi einnig frá því að alls mættu 26 manns, 15 vara­menn og 11 starfs­menn hvers liðs, sitja á vara­manna­bekkn­um í hverj­um leik. Af starfs­mönn­un­um 11 verður að minnsta kosti einn að vera lækn­ir.

• Blogga um frétt