Jón Dagur með stoðsendingu gegn Leicester
Setja bókamerki
Jón Dagur Þorsteinsson fer vel af stað með nýja liði sínu OH Leuven en hann var í byrjunarliði og lagði upp mark gegn Leicester sem spilar í ensku úrvalsdeildinni í knattspyrnu. Leikurinn var æfingaleikur sem var spilaður í Belgíu og endaði með 3:3 jafntefli.
Jón Dagur kom á dögunum til belgíska liðsins á frjálsri sölu frá AGF í Árósum en hann hefur verið þar frá 2019.
Musa Al-Taamari skoraði fyrsta mark leiksins fyrir Leuven og Jón Dagur lagði upp annað mark leiksins fyrir Nachon Nsingi.
Leuven komst því í stöðuna 2:0 gegn enska liðinu eftir 12 mínútna leik og náði að halda því út þar til á 54. mínútu þegar Kiernan Dewsbury-Hall skoraði fyrsta mark Leicester.
Patson Daka jafnaði svo leikinn fyrir Leicester á 58. mínútu.
Í uppbótartíma leiksins komu svo tvö mörk, fyrst frá Mykola Kukharevych hjá Leuven og seinna markið skoraði Jamie Vardy og jafnaði þannig metin í 3:3 fyrir Leicester.
Flokkarnir þurfa ekki að endurgreiða styrki
Ekkert breyst í samstarfinu nema fylgi flokkanna
Guðrún býður sig fram til formanns
Tilkynningar um tjón á fjórða hundrað
Nýtt að gestalistinn sé umræðuefni á Alþingi
„Vindar frelsis fái að leika um samfélagið“