Roma staðfestir Dybala

Ítalska knatt­spyrnu­fé­lagið AS Roma staðfesti Pau­lo Dy­bala sem nýj­an leik­mann sinn í dag. Hann fer til fé­lags­ins á frjálsri sölu þar sem samn­ing­ur hans við Ju­vent­us rann út í sum­ar.

Samn­ing­ur hans er til þriggja ára og sagði Dy­bala um hann: „Hraðinn og ákveðnin sem Roma sýndi í samn­ingsviðræðunum sýndi mér hversu mikið þeir vildu mig og það gerði gæfumun­inn,“ sagði leikmaður­inn en hann var einnig sterk­lega orðaður við In­ter.

„Ég er að ganga til liðs við lið sem er á upp­leið, fé­lag sem held­ur áfram að leggja sterk­an grunn fyr­ir framtíðina og með knatt­spyrn­u­stjór­ann Jose Mour­in­ho, sem verða for­rétt­indi að vinna með,“ sagði Dy­bala.

Í til­kynn­ing­unni var mynd­band af Dy­bala lenda í Portúgal þar sem Roma er núna í æf­inga­ferð, fara í lækn­is­skoðun, skrifa und­ir og fara í fyrsta sinn í bún­ing­inn. Við hliðina á því var mynd­band sem sýndi týnd börn sem Roma vill vekja at­hygli á.

• Blogga um frétt