Heimir mætir Messi í fyrsta leik
Setja bókamerki
Knattspyrnuþjálfarinn Heimir Hallgrímsson er að taka við karlalandsliði Jamaíka en í frétt jamaíska miðilsins the Gleaner verður Heimir tilkynntur sem þjálfari liðsins á föstudaginn.
Fyrsti leikur Jamaíka undir stjórn Heimis yrði gegn Argentínu hinn 27. september þegar liðin mætast í vináttulandsleik í New York í Bandaríkjunum.
Lionel Messi, einn besti knattspyrnumaður heims, er fyrirliði argentínska landsliðsins en Heimir stýrði íslenska karlalandsliðinu á HM 2018 í Rússlandi þegar Ísland og Argentína mættust í D-riðli keppninnar í Moskvu hinn 16. júní.
Margir öflugir knattspyrnumenn leika með Jamaíka en þar ber hæst að nefna þá Michail Antonio, Leon Bailey og Bobby Reid sem leika allir í ensku úrvalsdeildinni.
Heimir, sem er 55 ára gamall, hefur verið án starfs síðan hann lét af störfum sem þjálfari Al-Arabi í Katar á síðasta ári.
Talaði um Guð, djöfulinn og Jesú við handtöku
Styrkjamálið á borð þingnefndar
„Ég hef ekkert á móti Sjálfstæðisflokknum“
„Ljóst mál að fólk mætir í vinnuna á morgun“
Úrskurðurinn gerði illt verra: Staðan „mjög döpur“
Alfreð Erling tjáir sig ekki frekar í morðmáli
Fátt nýtt í stefnuræðu Kristrúnar
Hefur verið boðinn borgarstjórastólinn