Valskonur nýttu ekki færin í Meistaradeildinni

Tereza Kozárová skoraði sig­ur­mark Slavia Prag þegar liðið mætti Val í fyrri leik liðanna í 2. um­ferð Meist­ara­deild­ar kvenna í knatt­spyrnu á Origo-vell­in­um á Hlíðar­enda í dag.

Leikn­um lauk með 1:0-sigri tékk­neska liðsins en eina mark leiks­ins kom um miðjan fyrri hálfleik­inn.

Tékk­arn­ir byrjuðu leik­inn bet­ur og á 10. mín­útu fékk Tereza Kozárová frá­bært fær­ir til þess að koma Slavia Prag yfir.

Hún fór illa með Mist Ed­vards­dótt­ur og var ein gegn Söndru Sig­urðardótt­ur en skotið beint á markvörðinn sem varði. Frá­kastið datt fyr­ir Mart­inu Surnov­ská en skalli henn­ar fór beint í fangið á Söndru.

Arna Sif Ásgríms­dótt­ir fékk fín­asta færi til að jafna met­in fyr­ir Val á 12. mín­útu en skalli henn­ar eft­ir horn­spyrnu frá hægri fór yfir markið.

Á 25. mín­útu fékk Kozárová sitt annað dauðafæri í leikn­um þegar hún átt frítt skot í markteign­um en á ein­hvern ótrú­leg­an hátt tókst Söndru að verja frá henni.

Mín­útu síðar átti Kozárová svo fyr­ir­gjöf frá víta­teigs­horn­inu. Mart­ina Surnov­ská hljóp yfir send­ing­una og bolt­inn lak í fjær­hornið.

Fátt markvert gerðist það sem eft­ir lifði síðari hálfleiks og Tékk­arn­ir leiddu því 1:0 í hálfleik.

Valskon­ur byrjuðu síðari hálfleik­inn af krafti og Cyera Hintzen var ná­lægt því að jafna met­in fyr­ir Val strax á 49. mín­útu þegar hún var við það að sleppa í gegn. Skot henn­ar fór hins veg­ar beint á Oli­vie Luká­sovu í marki Slavia Prag.

Fimm mín­út­um síðar átti Þór­dís Hrönn Sig­fús­dótt­ir skot í ut­an­verða stöng­ina eft­ir lag­leg­an und­ir­bún­ing Ásdís­ar Kar­en­ar Hall­dórs­dótt­ur.

Á 58. mín­útu fengu Valskon­ur sitt besta færi í leikn­um þegar Ásdís Kar­en sendi Cyeru eina í gegn. Cyera komst ein gegn Luká­sovu en markvörður­inn varði meist­ara­lega frá henni. Frá­kastið datt fyr­ir Sól­veigu Lar­sen en Luká­sová varði frá henni líka.

Valskon­ur héldu áfram að pressa og á 63. mín­útu átti Ásdís Kar­en flotta fyr­ir­gjöf frá hægri sem Anna Rakel Pét­urs­dótt­ir skallaði rétt fram­hjá marki Tékk­anna.

Michaela Khýrová átti fína fyr­ir­gjöf frá vinstri á 70. mín­útu, beint fyr­ir fæt­ur Den­isu Veselá sem var mætt á fjör­stöng­ina en skot henn­ar fór yfir markið.

Valskon­ur settu mikla pressu á Tékk­ana á síðustu mín­út­un­um en tókst hins veg­ar ekki að skora og loka­töl­ur á Hlíðar­enda því 1:0 fyr­ir Slavia Prag.

Liðin mæt­ast á nýj­an leik í Prag í Tékklandi eft­ir viku, 28. sept­em­ber, og þurfa Valskon­ur á sigri að halda til þess að tryggja sér sæti í riðlakeppni Meist­ara­deild­ar­inn­ar.

Val­ur	0:1	Slavia Prag	Opna lýs­ingu Loka
90. mín. Ásdís Kar­en Hall­dórs­dótt­ir (Val­ur) á skot sem er varið Ásdís Kar­en með skot sem Luká­sová ver.
Mörk Tereza Kozárová (26. mín.) Spjöld Denisa Veselá (41. mín.) Simona Necidová (56. mín.) Tereza Krejciríková (86. mín.) Michaela Khýrová (90. mín.) mín. 90 Leik lokið Leik lokið á Hlíðarenda með 1:0-sigri Slavia Prag. Síðari leikurinn fer fram í Prag eftir viku. 90 Martina Surnovská (Slavia Prag) á skot framhjá Skot sem lekur framhjá markinu. 90 +3 mínútur í uppbótartíma! 90 Ásdís Karen Halldórsdóttir (Valur) á skot sem er varið Ásdís Karen með skot sem Lukásová ver. 90 Valur fær hornspyrnu Tékkarnir hreinsa. 90 Lára Kristín Pedersen (Valur) á skalla sem er varinn Lára með skallann en Tékkarnir bjarga á línu! 90 Valur fær hornspyrnu 90 Þórdís Hrönn Sigfúsdóttir (Valur) á skot framhjá Aukaspyrna sem fer af varnarmönnum og aftur fyrir! 90 Bryndís Arna Níelsdóttir (Valur) kemur inn á 90 Anna Rakel Pét­urs­dótt­ir (Valur) fer af velli 90 Michaela Khýrová (Slavia Prag) fær gult spjald Tekur Þórdísi Hrönn niður sem var að sleppa í gegn! Valskonur fá aukaspyrnu á stórhættulegum stað! 86 Alika Keene (Slavia Prag) kemur inn á 86 Franny Cerná (Slavia Prag) fer af velli 86 Tereza Krejciríková (Slavia Prag) fær gult spjald Brýtur á Þórdísi. 83 Alvöru pressa frá Valsliðinu en þær eru ekki að ná að opna varnarmúr tékkneska liðsins. 79 Petra Divisová (Slavia Prag) kemur inn á 79 Tereza Kozárová (Slavia Prag) fer af velli 77 Alika Keene (Slavia Prag) kemur inn á 77 Valur fær hornspyrnu Tékkarnir hreinsa. 76 Valur fær hornspyrnu Tékkarnir hreinsa. 76 Ásdís Karen Halldórsdóttir (Valur) á skot sem er varið FÆRI! Valskonur sloppnar í gegn og Ásdís á skot sem Lukásová ver meistaralega! 75 Slavia Prag fær hornspyrnu 74 Tereza Szewieczková (Slavia Prag) á skot sem er varið Skot af 30 metra færi en boltinn beint á Söndru. 71 Slavia Prag fær hornspyrnu Valur hreinsar. 70 Denisa Veselá (Slavia Prag) á skot framhjá FÆRI! Fyrirgjöf frá vinstri og boltinn dettur fyrir Veselá í teignum en skotið yfir markið! 63 Anna Rakel Pét­urs­dótt­ir (Valur) á skalla sem fer framhjá FÆRI! Ásdís Karen með fyrirgjöf frá hægri en Anna Rakel skallar boltann rétt framhjá. 62 Lára Kristín Pedersen (Valur) á skalla sem fer framhjá Lára Kristín með skallann en hann er allan tímann á leiðinni framhjá markinu. 62 Valur fær hornspyrnu 61 Elín Metta Jensen (Valur) kemur inn á 61 Sólveig J. Larsen (Valur) fer af velli 61 Þórdís Elva Ágústsdóttir (Valur) kemur inn á 61 Ásgerður Stef­an­ía Bald­urs­dótt­ir (Valur) fer af velli 58 Valur fær hornspyrnu Tékkarnir hreinsa. 58 Sólveig J. Larsen (Valur) á skot sem er varið ...frákastið dettur fyrir Sólveigu en Lukásová ver þetta í horn! 58 Cyera Hintzen (Valur) á skot sem er varið DAUÐAFÆRI! Cyera ein í gegn en Lukásová ver meistaralega... 56 Simona Necidová (Slavia Prag) fær gult spjald Togar Þórdísi Hrönn niður. 54 Þórdís Hrönn Sigfúsdóttir (Valur) á skot í stöng FÆRI! Þórdís með hörkuskot í utanverða stöngina eftir laglegan undirbúning Ásdísar Karenar! 49 Cyera Hintzen (Valur) á skot sem er varið FÆRI! Cyera að sleppa í gegn en hún reynir skot af löngu færi og það fer beint á Lukásová. 46 Slavia Prag fær hornspyrnu 46 Michaela Khýrová (Slavia Prag) á skot framhjá Skot sem fer af Elísu of aftur fyrir. 46 Seinni hálfleikur hafinn Þá er síðari hálfleikurinn kominn af stað og það eru Valskonur sem hefja leik. 45 Hálfleikur Hálfleikur á Hlíðarenda og Slavia PRag leiðir 1:0. Valskonur þurfa að spila miklu miklu betur ef þær ætla sér að fá eitthvað úr þessum leik. 45 Valur fær hornspyrnu +4. 45 +5 mínútur í uppbótartíma. 41 Denisa Veselá (Slavia Prag) fær gult spjald Brýtur á Þórdísi Hrönn. 36 Rólegt yfir þessu á Hlíðarenda þessa stundina. Valskonur að reyna lyfta boltanum yfir varnarmenn Slaviu Prag, sem eru framarlega á vellinum, en það vantar að taka betur á móti boltanum til þess að nýta þetta betur. 31 Valskonur eru að reyna svara en það vantar betri ákvarðanatöku á síðasta þriðjungnum. 26 MARK! Tereza Kozárová (Slavia Prag) skorar 0:1 - Tékkarnir komast yfir. Kozárová með fyrirgjöf alveg við vítateigshornið og Surnovská hleypur yfir hann og boltinn lekur í netið. Þetta er búið að liggja aðeins í loftinu. 25 Tereza Kozárová (Slavia Prag) á skot sem er varið DAUÐAFÆRI! Kozárová ein fyrir nánast opnu marki í markteignum en Sandra ver meistaralega! Þvílík varsla! 23 Lillý Rut Hlynsdóttir (Valur) kemur inn á 23 Mist Edvardsdóttir (Valur) fer af velli Mist getur ekki haldið áfram. 19 Mist liggur á vellinum og virkar mjög þjáð. Vonandi fyrir Valsliðið að hún geti haldið áfram. 15 Slavia Prag fær hornspyrnu Valur hreinsar. 14 Tékkarnir tapa boltanum á stórhættulegum stað en Cyera nær ekki að gera sér mat úr þessu. 12 Arna Sif Ásgríms­dótt­ir (Valur) á skalla sem fer framhjá FÆRI! Arna Sif með frían skalla úr teignum en boltinn hátt yfir markið. 11 Valur fær hornspyrnu 10 Martina Surnovská (Slavia Prag) á skalla sem er varinn ...frákastið dettur fyrir Surnovská en Sandra grípur skallann frá henni. 10 Tereza Kozárová (Slavia Prag) á skot sem er varið DAUÐAFÆRI! Kozárová ein gegn Söndru en skotið beint á Söndru..... 8 Lára Kristín Pedersen (Valur) á skot sem er varið Lára með fínasta skot af 25 metra færi en beint í hendurnar á Lukásovu. 8 Mist með flotta sendingu fram völlinn en Lukásová kemur út og hreinsar í innkast. 4 Ásdís Karen Halldórsdóttir (Valur) á skalla sem fer framhjá FÆRI! Cyera með frábæra fyrirgjöf frá hægri, beint á kollinn á Ásdísi, en skallinn úr markteignum fer rétt framhjá! 2 Martina Surnovská (Slavia Prag) á skot framhjá Surnovská með fínasta skot af D-boganum en boltinn framhjá. 1 Leikur hafinn Þá er þetta komið af stað á Hlíðarenda og það eru Tékkarnir sem hefja leik. 0 Tékkneska liðið vann tékkneska meistaratitilinn með miklum yfirburðum á síðustu leiktíð en liðið vann 19 af 20 leikjum sínum í deildarkeppninni. 0 Slavia Prag er með fullt hús stiga eða 12 stig í efsta sæti tékknesku 1. deildarinnar eftir fyrstu fjórar umferðirnar. 0 Sigur í dag myndi gera mikið fyrir Valskonur en síðari leikur liðanna fer fram í Tékklandi eftir viku. 0 Byrjunarliðin eru klár og Pétur Pétursson þjálfari Vals stillir upp nákvæmlega sama liði og hann hefur gert í síðustu leikjum. 0 Komiði sæl og blessuð og verið velkomin með mbl.is í beina textalýsingu frá fyrri leik Vals og Slavia Prag í fyrri leik liðanna í 2. umferð Meistaradeildarinnar. Sjá meira Sjá allt Valur: (4-3-3) Mark: Sandra Sigurðardóttir. Vörn: Elísa Viðarsdóttir, Mist Edvardsdóttir (Lillý Rut Hlynsdóttir 23), Arna Sif Ásgríms­dótt­ir, Anna Rakel Pét­urs­dótt­ir (Bryndís Arna Níelsdóttir 90). Miðja: Ásdís Karen Halldórsdóttir, Ásgerður Stef­an­ía Bald­urs­dótt­ir (Þórdís Elva Ágústsdóttir 61), Lára Kristín Pedersen. Sókn: Sólveig J. Larsen (Elín Metta Jensen 61), Cyera Hintzen, Þórdís Hrönn Sigfúsdóttir. Varamenn: Fanney Inga Birkisdóttir (M), Elín Metta Jensen, Brookelynn Entz, Þórdís Elva Ágústsdóttir, Málfríður Anna Eiríksdóttir, Bryndís Arna Níelsdóttir, Lillý Rut Hlynsdóttir, Mariana Speckmaier, Mikaela Nótt Pétursdóttir, Sigríður Th. Guðmundsdóttir. Slavia Prag: (4-3-3) Mark: Olivie Lukásová. Vörn: Gabriela Slajsová, Simona Necidová, Diana Bartovicová, Michaela Khýrová. Miðja: Tereza Krejciríková, Tereza Szewieczková, Martina Surnovská. Sókn: Denisa Veselá, Tereza Kozárová (Petra Divisová 79), Franny Cerná (Alika Keene 77). Varamenn: Barbora Sladká (M), Denisa Tenkrátová, Kristýna Ruzicková, Lucie Bendová, Sejde Abrahamsson, Albína Goretkiová, Petra Divisová, Tereza Fuchsová, Alika Keene. Skot: Slavia Prag 9 (5) - Valur 13 (8) Horn: Valur 8 - Slavia Prag 4. Lýsandi: Bjarni Helgason Völlur: Origo-völlurinn Leikur hefst 21. sept. 2022 17:00 Aðstæður: 12° stiga hiti, skýjað og örlítil gola. Dómari: Jelena Pejkovic, Króatía Aðstoðardómarar: Sanja Rodjak-Karsic og Gordana Katusic, Króatía

• Blogga um frétt