Barcelona í vondum málum eftir jafntefli við Inter í stórskemmtilegum leik

Átta leik­ir fóru fram í Meist­ara­deild karla í fót­bolta í kvöld þar sem leik­in var fjórða um­ferð í fjór­um riðlum, A, B, C og D. Tveir þeirra hóf­ust kl. 16.45 en hinir sex klukk­ann 19.00. 

Í C-riðli fór fram stór­leik­ur kvölds­ins á milli Barcelona og In­ter Mílanó á Spáni þar sem loka­töl­ur voru 3:3. Barcelona var mun betri aðil­inn í fyrri hálfleikn­um og Ousma­ne Dembéle kom Börsung­um yfir á 40. mín­útu leiks­ins en þá kom Rap­hinha bolt­an­um á Sergi Roberto sem sendi hann þvert fyr­ir markið. Þar var Ousma­ne Dembé­lé sem þrumaði bolt­an­um inn. 

Á 50. mín­útu gerðist reynslu­bolt­inn Ger­ard Piqué sek­ur um glóru­laus mis­tök í vörn Barcelona. Þá lét hann bolt­ann fara frek­ar en að skalla hann í burtu. Fyr­ir aft­an hann laumaðist Nicolo Bar­ella sem tók á móti bolt­an­um og negldi hon­um í netið og staðan orðin jöfn 1:1. 13. mín­út­um síðar varð út­litið enn verra fyr­ir Börsunga. Þá fékk Laut­aro Mart­inez send­ingu frá Hak­an Cal­hanoglu, kassaði hann niður og bombaði hon­um stöng­in, stöng­in inn, 2:1 og gest­irn­ir í draumalandi. 

Robert Lew­andowski setti tvö mörk en það dugaði þó ekki til sig­urs í kvöld. AFP/​Pau Bar­rena

Robert Lew­andowski jafnaði met­in fyr­ir Börsunga á 82. mín­útu þegar bolt­inn féll fyr­ir hann í teign­um og hann stýrði hon­um inn. Robert Go­sens kom þó In­ter aft­ur yfir á 88. mín­útu er hann kláraði glæsi­lega fram­hjá Marc-Andre Ter Ste­gen í marki Börsunga. 3:2 In­ter í vil og leik­ur­inn gott sem bú­inn. Robert Lew­andowski var þó ekki á sama máli því á ann­arri mín­útu upp­bót­ar­tím­ans skallaði hann fyr­ir­gjöf Eric Garcia í fjær­hornið, 3:3 sem voru loka­töl­ur í þess­um frá­bæra leik. 

Þessi úr­slit þýða það að In­ter Mílanó þarf aðeins sig­ur í öðrum af tveim­ur leikj­um sín­um sem eft­ir eru í riðlin­um til að kom­ast áfram og senda Barcelona niður í Evr­ópu­deild­ina annað árið í röð. Það verður að telj­ast ansi lík­leg niðurstaða þar sem Mílanó-liðið á Vikt­oria Plzen eft­ir á heima­velli. 

Í hinum leik riðils­ins vann Bayern München 4:2 útisig­ur á Vikt­oria Plzen. Sa­dio Mané og Thom­as Müller komu Bayern tveim­ur mörk­um yfir snemma leiks. Svo var það Leon Gor­etzka sem setti tvö í röð og kom Bayern 4:0 yfir inn í hálfleik­inn. Plzen-menn minnkuðu svo mun­inn í 2:4 í síðari hálfleik með mörk­um frá Adam Vikanova og Jan Kil­ment. 

Í A-riðli vann Napólí 4:2 heima­sig­ur á Ajax. Meira má lesa um þann leik hér. Li­verpool vann 7:1 stór­sig­ur á Ran­gers þar sem Mohamed Salah skoraði þrennu. Sá leik­ur fékk sér­lýs­ingu á mbl.is sem má nán­ar má nálg­ast hér.

Í B-riðli vann Porto 3:0 útisig­ur á Bayern Le­verku­sen. Bras­il­íumaður­inn Wend­er­son Galeno kom Porto yfir strax á sjöttu mín­útu. Það var svo Íran­inn Med­hi Taremi sem skoraði hin tvö mörk portú­galska liðsins úr víta­spyrn­um. Fyrr í dag gerðu Atlético Madrid og Club Brug­ge marka­laust jafn­tefli, en nán­ar um það má lesa hér.

Por­tó-menn eru í góðum mál­um í riðlin­um eft­ir 3:0 sig­ur­inn gegn Le­verku­sen í dag. AFP/​Ina Fass­bend­er

Í D-riðli vann Totten­ham 3:1 heima­sig­ur á Frankfurt. Jap­an­inn Daichi Kamada kom Frankfurt yfir á 14. mín­útu eft­ir vand­ræðagang í vörn Totten­ham-manna. Heung-Min Son jafnaði þó met­in aðeins sex mín­út­um síðar eft­ir und­ir­bún­ing frá Harry Kane. 

Kane kom svo sjálf­ur Totten­ham 2:1 yfir á 28. mín­útu með marki úr víta­spyrnu áður en Son tvö­faldaði for­ystu Totten­ham eft­ir send­ingu frá Pier­re-Emile Höj­bjerg og hálfleikstöl­ur 3:1, Totten­ham í vil. Varamaður­inn Fari­de Alidou minnkaði mun­inn í 2:3 á 87. mín­útu með skalla eft­ir horn­spyrnu en það dugaði ekki og því Totten­ham sem sigldi 3:2 sigri heim. 

Í hinum leik riðils­ins vann Marseille 2:0 sig­ur á Sport­ing í Lissa­bon. Matteo Gu­endouzi og Al­ex­is Sánchez settu mörk gest­anna en Ricar­do Es­gaio, leikmaður Sport­ing, lét reka sig af velli snemma leiks. 

Heung-Min Son setti tvö mörk gegn Frankfurt í dag. Hér klapp­ar hann fyr­ir stuðnings­mönn­um sín­um. AFP/​Adri­an Denn­is

Úrslit kvölds­ins og staðan í riðlun­um:

A-RIÐILL:

Napólí - Ajax 4:2

Ran­gers - Li­verpool 1:7

Napólí 12 stig, Li­verpool 9, Ajax 3, Ran­gers 0.

B-RIÐILL:

Atlético Madrid - Club Brug­ge 0:0

Bayer Le­verku­sen 0:3 Porto 

Club Brug­ge 10 stig, Porto 6, Atlético 4, Bayer Le­verku­sen 3.

C-RIÐILL:

Barcelona - In­ter Mílanó 3:3

Vikt­oria Plzen - Bayern München 2:4 

Bayern München 12 stig, In­ter Mílanó 7, Barcelona 4, Vikt­oria Plzen 0.

D-RIÐILL:

Totten­ham - Frankfurt 3:2

Sport­ing - Marseille 0:2 

Totten­ham 7 stig, Marseille 6, Sport­ing 6, Frankfurt 4.

	Meist­ara­deild­in í beinni	Opna lýs­ingu Loka
kl. 20:58 Leik lokið Þá er öll­um leikj­um lokið og því­lík skemmt­un sem við feng­um hér í kvöld. Úrslit­in: Barcelona 3:3 In­ter Mílanó. Totten­ham 3:2 Frankfurt. Ran­gers 1:7 Li­verpool. Bayer Le­verku­sen 0:3 Porto. Vikt­oria Plzen 2:4 Bayern München. Sport­ing 0:2 Marseille. Takk fyr­ir að fylgj­ast með mbl.is í kvöld.
kl. 20:58 Leik lokið Þá er öllum leikjum lokið og þvílík skemmtun sem við fengum hér í kvöld. Úrslitin: Barcelona 3:3 Inter Mílanó. Tottenham 3:2 Frankfurt. Rangers 1:7 Liverpool. Bayer Leverkusen 0:3 Porto. Viktoria Plzen 2:4 Bayern München. Sporting 0:2 Marseille. Takk fyrir að fylgjast með mbl.is í kvöld. 20:52 MARK! Pólverjinn Robert Lewandowski heldur betur að stíga upp! Eric Garcia sendir háan bolta inn í teig, þar er Lewandowski sem stangar hann glæsilega í netið! Alltjafn, 3:3. 20:49 MARK! Þvílíkar senur! Inter Mílanó er aftur komið yfir gegn Barcelona! Lautaro Martinez sendir boltann fyrir á Robin Gosens sem er einn á fjærstönginni og klárar glæsilega! Staðan: Barcelona 2:3 Inter Mílanó! 20:47 MARK! Varamðurinn Faride Alidou er búinn að minnka muninn gegn Tottenham. Franfurt fékk rautt spjald fyrr í leiknum en Brassinn Tuta lét reka sig af velli! Staðan Tottenham 3:2 Frankfurt. 20:43 MARK! Robert Lewandowski er búinn að jafna metin fyrir Barcelona gegn Inter Mílanó! Allt í járnum, 2:2. 20:42 MÖRK! Mohamed Salah er kominn með þrennu gegn Rangers og staðan er orðin 6:1! Meira má lesa um það í sérlýsingu mbl.is á þeim leik. 20:35 MARK! Viktoria Plzen er búið að minnka muninn í 2:4 gegn Bayern. Jan Kilment með markið. 20:35 MARK! Liverpool er komið í 4:1 gegn Rangers. Meira má lesa um það í sérlýsingu mbl.is á þeim leik. 20:30 MARK! Aftur skorar Mehdi Taremi úr vitaspyrnu og Porto er komið í 3:0 gegn Leverkusen í Þýskalandi. 20:29 MARK! Adam Vikanova, leikmaður Viktoria Plzen, er búinn að minnka muninn í 1:4 gegn Bayern. 20:28 MARK! Liverpool er komið í 3:1 gegn Rangers. Meira má lesa um það í sérlýsingu mbl.is á þeim leik. 20:23 MARK! Inter er komið yfir í Barcelona! Þvílíkt mark hjá Lautaro Martinez! Hann fær boltann frá Hakan Calhanoglu tekur hann niður með kassanum og bombar stöngin, stöngin inn. Þvílíkur viðsnúningur hjá Inter-liðinu sem var alveg glatað í fyrri hálfleik! 20:15 MARK! Íraninn Mehdi Taremi kemur Porto 2:0 yfir gegn Leverkusen með marki úr vítaspyrnu. 20:14 MARK! Liverpool er komið í 2:1 gegn Rangers! Meira má lesa um það í sérlýsingu mbl.is á þeim leik. 20:10 MARK! Mark upp úr þurru og Inter Mílanó er búið að jafna gegn Barcelona! Alveg hræðilegur varnarleikur hjá Gerard Piqué sem lætur boltann frekar fara en að skalla hann í burtu. Fyrir aftan hann er Nicolo Barella sem tekur á móti honum og klárar glæsilega. Staðan 1:1. 20:06 Leikur hafinn Þá er síðari hálfleikur hafinn á flestum völlum. 19:49 Hálfleikur Þá er kominn hálfleikur í öllum leikjum þar sem við fengum nóg af skemmtun. Staðan er Barcelona 1:0 Inter Mílanó. Tottenham 3:1 Frankfurt. Rangers 1:1 Liverpool. Viktoria Plzen 0:4 Bayern München. Bayer Leverkusen 0:1 Porto. Sporting 0:2 Marseille. 19:40 MARK! Ousmane Dembélé kemur Barcelona 1:0 yfir gegn Inter Mílanó og ekki annað hægt að segja en að þetta sé fullkomlega verðskuldað. Raphinha kemur boltanum á Sergi Roberto sem sendi hann þvert fyrir markið, þar var Dembélé sem þrumaði honum í netið. 19:37 MARK! Heung-Min Son kemur Tottenham 3:1 yfir gegn Frankfurt! Kane og Son svo sannarlega að sýna sig í kvöld. 19:35 MARK! Aftur skorar Leon Goretzka og Bayern er komið í 4:0 gegn Viktoria Plzen í Tékklandi. 19:32 MARK! Alexis Sánchez er búinn að koma Marseille í 2:0 gegn Sporting. 19:30 MARK! Harry Kane er búinn að koma Tottenham í 2:1 gegn Frankfurt. Mark hans kom úr vítaspyrnu. 19:28 Portúgalinn Ricardo Esgaio, leikmaður Sporting, er kominn með rautt spjald í leiknum gegn Marseille. Nú er portúgalska liðið manni færri og 0:1 undir. 19:27 MARK! Bayern er komið í 3:0 gegn Viktoria Plzen. Leon Goretzkameð markið. 19:26 MARK! Liverpool er búið að jafna gegn Rangers! Meira má lesa um það í sérlýsingu mbl.is á þeim leik. 19:24 MARK! Matteo Guendouzi er búinn að koma Marseille í 1:0 gegn Sporting í Portúgal. 19:21 MARK! Kóreumaðurinn Heung-Min Son, sóknarmaður Tottenham, er búinn að jafna metin í 1:1 gegn Frankfurt! 19:18 MARK! Rangers er komið yfir gegn Liverpool! Meira má lesa um það í sérlýsingu mbl.is á þeim leik. 19:17 Inter-maðurinn Edin Dzeko með skot í slánna sem endar á línunni gegn Barcelona! 19:16 MARK! Algjör vandræði í vörn Tottenham og Japaninn Daichi Kamada er búinn að koma Frankfurt yfir í London! 19:14 MÖRK! Sadio Mané og Thomas Müller eru búnir að koma Bayern München í 2:0 gegn Viktoria Plzen í Tékklandi! 19:10 Barcelona hefur strax fengið nokkur færi gegn Inter Mílanó. Helst má nefna skalla Robert Lewandowski sem Henrikh Mkhitaryan bjargaði á línu. 19:08 MARK! Brasilíumaðurinn Wenderson Galeno er búinn að koma Porto í 1:0 gegn Leverkusen í Þýskalandi! 19:01 Leikur hafinn Þá er leikur hafinn á öllum völlum. 18:59 Harry Kane og Heung-Min Son eru báðir í byrjunarliði Tottenham. Ásamt þeimí framlínunni er Richarlison. 18:40 Leik lokið Þá er leik lokið bæði Napólí og í Madrid. Lokatölur eru Napólí 4:2 Ajax og Atlético Madrid 0:0 Club Brugge. 18:33 Vandræðagangur í vörn Ajax-manna og Victor Osimhen er búinn að koma Napólí í 4:2 á 90. mínútu! 18:30 Ganamaðurinn Kamal Sowah, sóknarmaður Club Brugge, var rétt í þessu að láta reka sig af velli gegn Atlético Madrid, staðan þar er enn 0:0 þegar aðeins tvær mínútur eru til stefnu af venjulegum leiktíma. 18:29 MARK! Steven Bergwijn, sóknarmaður Ajax, minnkar muninn í 2:3 gegn Napólí úr vítaspyrnu! Komin smá spenna í leikinn. 18:15 MARK! Georgíumaðurinn Khvicha Kvaratskhelia er búinn að koma Napóli í 3:1 gegn Ajax.Mark hans kom af vítapunktnum 18:00 Darwin Núnez og Roberto Firmino eru báðir í byrjunarliði Liverpool sem mætir Rangers í Skotlandi en Mohamed Salah þarf að sætta sig við sæti á bekknum. Leiknum er lýst í sérlýsingu sem má nálgast á mbl.is. 18:00 Tveir af þeim átta leikjum sem fara fram í kvöld byrjuðu klukkan 16:45. Í leik Napólí og Ajax á Ítalíu er Napólí 2:1 yfir með mörkum frá Hirving Lozano og Giacomo Raspadori á meðan Davy Klaassen setti mark Ajax-liðsins. Í leik Atlético Madrid og Club Brugge er staðan enn 0:0. 18:00 Byrjunarliðin eru klár í stórleik Börsunga og Inter Mílanó í Barcelona. Raphinha, Ousmane Dembele og Robert Lewandowski eru á sínum stað í liði Börsunga. Lautaro Martinez og Edin Dzeko leiða línu Mílanómanna. Barça XI#BarçaInter pic.twitter.com/2de5ewbR7k — FC Barcelona (@FCBarcelona) October 12, 2022 Team news 📋⚫🔵#ForzaInter #UCL #BarçaInter pic.twitter.com/AmSY1eNljK — Inter (@Inter_en) October 12, 2022 18:00 Leikur Rangers og Liverpool er í sérlýsingu en hér verður fylgst með öllum öðrum leikjum dagsins í keppninni. 18:00 Gott kvöld og verið velkomin með mbl.is í beina textalýsingu frá Meistaradeild Evrópu í fótbolta. Sjá meira Sjá allt

• Blogga um frétt