Mahrez klúðraði víti - Sóknarþríeyki París SG fór á kostum

Átta leik­ir fóru fram í Meist­ara­deild karla í fót­bolta í kvöld en leikið var í E, F, G og H-riðli.

Í E-riðli vann AC Mil­an 4:0-sig­ur á Dinamo Za­greb í Króa­tíu. Matteo Gabb­ia kom gest­un­um yfir á 39. mín­útu með skalla, staðan varð þá 1:0, sem voru hálfleikstöl­ur. Rafa­el Leao og Oli­ver Giroud bættu svo við mörk­um í síðari hálfleik og ásamt því setti Robert Lju­bicic bolt­ann í eigið net. Loka­töl­ur urðu 4:0 fyr­ir AC Mil­an sem er komið í góða stöðu í riðlin­um. Í hinum leik riðils­ins vann Chel­sea 2:1-útisig­ur á Salzburg í Aust­ur­ríki. Meira má lesa um það hér.

Mil­an-menn fóru illa með Dinamo Za­greb í kvöld. AFP/​Damir Sencar

Í F-riðli vann RB Leipzig 3:2-sig­ur á Evr­ópu­meist­ur­um Real Madrid. Josko Gv­ar­di­ol og Christoph­er Nkunku komu Leipzig í 2:0 en Vinicius Juni­or minnkaði mun­inn und­ir lok fyrri hálfleiks­ins. Timo Werner kom svo Leipzig í 3:1 á 81. mín­útu en Rodrygo minnkaði mun­inn á nýj­an leik með marki úr víta­spyrnu á þriðju mín­útu upp­bót­ar­tíma. Fleiri urðu mörk­in ekki og Leipzig vann sterk­an 3:2-sig­ur.

Í hinum leik riðils­ins gerðu Celtic og Shakt­ar Do­netsk 1:1-jafn­tefli. Georgi­os Gia­koumakis kom Celtic yfir í fyrri hálfleik en Myk­haylo Mudryk jafnaði í byrj­un síðari. 

Christoph­er Nkunku er held­ur bet­ur að skína í liði RB Leipzig. Hér fagn­ar hann marki sínu í kvöld. AFP

Í G-riðli gerðu Manchester City og Dort­mund marka­laust jafn­tefli. City-liðið hélt mest­megn­is bolt­an­um en Dort­mund fékk betri færi upp að 58. mín­útu en þá braut Emre Can á Riyad Mahrez inn í teig Dort­mund og dóm­ar­inn benti á punkt­inn. Mahrez steig sjálf­ur á punkt­inn en lét Greg­or Ko­bel verja frá sér í mark­inu og staðan var þá enn marka­laus sem ent­ist út leik­inn. Í hinum leik riðils­ins vann Sevilla 3:0-sig­ur á Íslend­ingaliði FC Kö­ben­havn. Meira má lesa um þann leik hér. 

Ju­li­an Brandt og Rodri í leikn­um í kvöld. AFP/​Sascha Schu­er­mann

Í H-riðli vann Par­ís SG 7:2-heima­sig­ur á Macca­bi Haifa þar sem sókn­arþríeyki Par­ís­arliðsins fór á kost­um. Li­o­nel Messi skoraði tvö mörk og lagði upp tvö, Kyli­an Mbappe skoraði tvö mörk og lagði upp tvö og Neym­ar skoraði eitt mark og átti annað er hann sólaði varn­ar­menn Macca­bi upp úr skón­um og setti bolt­ann í Jean Gol­berg varn­ar­mann þeirra en þaðan fór bolt­inn í netið. Car­los Soler bætti svo við sjö­unda marki Par­ís­arliðsins. Abdoulaye Seck setti bæði mörk Macca­bi-liðsins. 

Í hinum leik H-riðils­ins vann Ben­fica 4:3-sig­ur á Ju­vent­us í Portúgal. Rafa Silva setti tvö mörk fyr­ir portú­galska liðið og Joao Mario og Ant­onio Silva hvort fyr­ir sig. Dus­an Vla­hovic, Arka­diusz Milik og West­on Mc­Kennie settu mörk Ju­vent­us.  

Úrslit kvölds­ins og staðan í riðlun­um:

E-riðill:

Salzburg 1:2 Chel­sea

Dinamo Za­greb 0:4 AC Mil­an

Chel­sea 10 stig, AC Mil­an 8, Salzburg 6, Dinamo Za­greb 4.

F-riðill:

RB Leipzig 3:2 Real Madrid

Celtic 1:1 Shakt­ar Do­netsk 

Real Madrid 10 stig, RB Leipzig 9, Shakt­ar Do­netsk 6, Celtic 2.

G-riðill:

Dort­mund 0:0 Manchester City 

Sevilla 3:0 FC Kö­ben­havn

Man. City 11 stig, Dort­mund 8, Sevilla 5, FC Kö­ben­havn 2. 

H-riðill:

Par­ís SG 7:2 Macca­bi Haifa

Ben­fica 4:3 Ju­vent­us

Par­ís SG 11 stig, Ben­fica 11, Ju­vent­us 3, Macca­bi Haifa 3.

	Meist­ara­deild­in í beinni	Opna lýs­ingu Loka
kl. 20:52 Leik lokið Leik lokið á öll­um völl­um! Úrslit­in eru: Dort­mund 0:0 Manchester City. RB Leipzig 3:2 Real Madrid. Dinamo Za­greb 0:4 AC Mil­an. Par­ís SG 7:2 Macca­bi Haifa. Ben­fica 4:3 Ju­vent­us. Celtic 1:1 Shakt­ar Do­netsk. Takk fyr­ir mig í kvöld.
kl. 20:52 Leik lokið Leik lokið á öllum völlum! Úrslitin eru: Dortmund 0:0 Manchester City. RB Leipzig 3:2 Real Madrid. Dinamo Zagreb 0:4 AC Milan. París SG 7:2 Maccabi Haifa. Benfica 4:3 Juventus. Celtic 1:1 Shaktar Donetsk. Takk fyrir mig í kvöld. 20:51 MARK! Rodrygo að minnka muninn fyrir Real Madrid í 2:3 gegn RB Leipzig. 20:50 Leik lokið í Þýskalandi! Lokatölur Dortmund 0:0 Manchester City. 20:45 MARK! París SG komið í 7:2 gegn Maccabi Haifa. Carlos Soler með markið. 20:41 MARK! Leipzig er komið í 3:1 gegn Real Madrid. Timo Werner með markið. 20:39 MÖRK! Tvö mörk á tveimur mínútum og Juventus er búið að minnka munninn í 3:4. Arkadiusz Milik og Weston McKennie með mörkin. 20:34 MARK! AC Milan komið í 4:0 gegn Dinamo Zagreb. Robert Ljubicic með sjálfsmark. 20:27 MARK! Parísarliðið er komið í 6:2. Neymar fer illa með varnarmenn Maccabi og setur boltann í einn þeirra, Sean Goldberg, og þaðan fer boltinn í netið. 20:25 MARK! Kylian Mbappe að koma Parísarliðinu í 5:2 gegn Maccabi Haifa með flottri afgreiðslu. 20:19 MARK! Oliver Giroud að þrefalda forystu Milan-manna gegn Dinamo Zagreb. 20:18 MARK! Mykhaylo Mudryk að jafna metin fyrir Shaktar gegn Celtic. Staðan 1:1. 20:15 Gregor Kobel ver vítaspyrnuna frá Riyad Mahrez! Nú er Algeríumaðurinn búinn að klúðra tveimur vítum í Meistaradeildinni á þessu tímabili! 20:14 Man. City að fá víti gegn Dortmund! Emre Can brýtur klaufalega á Mahrez inn í teig og dómarinn bendir á punktinn! 20:11 MARK! Maccabi Haifa búið að minnka muninn í 2:4 og aftur er það Abdoulaye Seck með markið. 20:11 MARK! Benfica er komið í 4:1 gegn Juventus. Rafa Silva með markið! 20:09 MARK! AC Milan er komið í 2:0 gegn Dinamo Zagreb. Portúgalinn Rafael Leao með markið. 20:03 Leikur hafinn Þá eru seinni hálfleikarnir hafnir. 19:49 Hálfleikur Þá er kominn hálfleikur á öllum völlum. Staðan er: Manchester City 0:0 Dortmund. RB Leipzig 2:1 Real Madrid. Dinamo Zagreb 0:1. París SG 4:1 Maccabi Haifa. Benfica 3:1 Juventus. Celtic 1:0 Shaktar Donetsk. Nóg af mörkum og fínasta skemmtun. 19:48 Þá er kominn hálfleikur í leik Dortmund og Manchester City og staðann er enn markalaus!Þýska liðið hefur verið hættulegri aðilinn. 19:46 MARK! Vinicius Junior að minnka muninn fyrir Real Madrid í 1:2 gegn RB Leipzig. 19:45 MARK! Lionel Messi að koma París SG í 4:1 gegn Maccabi Haifa með glæsilegu marki utan teigs. 19:42 MARK! Matteo Gabbia að koma AC Milan 1:0 yfir gegn Dinamo Zagreb. 19:40 MARK! Abdoulaye Seck, leikmaður Maccabi Haifa, að minnka muninn í 1:3 gegn París SG! 19:37 MARK! Neymar að skora! París SG 3:0 Maccabi Haifa. Þá er sóknarþríeykið allt búið að skora. 19:37 MARK! Rafa Silva að koma Benfica í 3:1 gegn Juventus! 19:35 MARK! Celtic er komið yfir gegn Shaktar Donetsk í Skotlandi. Georgios Giakoumakis með markið. 19:33 MARK! Mbappe skorar og PSG komið í 2:0 gegn Maccabi Haifa. 19:29 MARK! Benfica aftur komið yfir. Í þetta skipti var það Joao Mario sem setti boltann í netið úr vítaspyrnu. Benfica 2:1 Juventus. 19:25 MARK! Dusan Vlahovic er búinn að jafna metin í Portúgal! Staðan - Benfica 1:1 Juventus. 19:22 MARK! Leipzig er komið tveimur mörkum yfir gegn Real Madrid! Christopher Nkunku með markið! 19:20 MARK! Lionel Messi kemur París SG 1:0 yfir gegn Maccabi Haifa með utanfótar snuddu! 19:18 MARK! Benfica komið 1:0 yfir gegn Juventus í Portúgal! Antonio Silva með markið. 19:15 MARK! Þá er króatíski varnarmaðurinn Jokso Gvardiol búinn að koma RB Leipzig 1:0 yfir gegn Real Madrid! 19:10 Þá eru tíu mínútur liðnar af leikjunum og ekki enn komið mark! 19:00 Leikur hafinn Þá er leikur hafinn á öllum völlum. 18:55 Sóknarþríeyki París SG er á sínum stað í byrjunarliðinu. 18:52 Orri Steinn varð í kvöld yngsti Íslendingurinn til að spila í Meistaradeildinni. 18:41 Leik lokið Þá er leik lokið á báðum völlum! Í Austurríki vann Chelsea 2:1 sigur á Salzburg og er komið áfram í 16-liða úrslitin. Á spáni vann svo Sevilla 3:0 sigur á Íslendingaliðinu FC Köbenhavn. 18:37 David Khocholava að fá rautt spjald í liði FC Köbenhavn! Allt að klikka hjá Dönunum. 18:34 MÖRK! Sevilla skorar tvö mörk á stuttum tíma og er komið í 3:0 gegn FC Köbenhavn! Isco og Gonzalo Montiel með mörkin. 18:30 Jude Bellingham er í byrjunarliði Dortmund-manna. Hér má sjá það í heild sinni: 🚨 BVB STARTING XI VS. MANCHESTER CITY 🚨 pic.twitter.com/TfBagJEbaz — Borussia Dortmund (@BlackYellow) October 25, 2022 18:24 Þá eru Ísak og Hákon báðir farnir út af en í staðnn er Orri Óskarsson kominn inn á völlinn. Staðan í leiknum er enn Sevilla 1:0 Köbenhavn. 18:22 Norðmaðurinn Erling Haaland er í eldlínunni hjá Manchester City. Hér má sjá byrjunarliðið í heild sinni: 🔵 #UCL Team News 🔵 XI | Ortega Moreno, Stones, Dias, Ake, Cancelo, Mahrez, Rodrigo, Gundogan, Foden, Alvarez, Haaland SUBS | Ederson, Carson, Grealish, Laporte, De Bruyne, Bernardo, Akanji, Palmer, Lewis, Wilson-Esbrand#ManCity pic.twitter.com/z2CxZ8OQOH — Manchester City (@ManCity) October 25, 2022 18:08 Viðureignir kvöldsins eru á milli Dortmund - Manchester City, RB Leipzig - Real Madrid, Benfica - Juventus, Dinamo Zagreb - AC Milan, París SG - Maccabi Haifa og Celtic og Shaktar Donetsk. 18:06 MARK! Kai Havertz að koma Chelsea 2:1 yfir gegn Salzburg með glæsilegu marki! 18:01 Það eru tveir leikir sem hófust klukkan 16:45 en hinir sex hefjast klukkan 19:00. Þær viðureignir sem hófust klukkan 16:45 eru á milli Salzburg -Chelsea og Sevilla - FC Köbenhavn. Í leik Salzburg og Chelsea er staðan 1:1. Matteo Kovacic kom Chelsea yfir í fyrri hálfleik en Chukwubuike Adamu jafnaði metin í þeim síðari. Í leik Sevilla og Köbenhavn var Sevilla rétt í þessu að komast yfir. Youssef En-Neyseri skoraði mark Sevilla manna. Hákon Arnar Haraldsson og Ísak Bergmann Jóhannesson byrjuðu báðir leikinn í liði FCK. 18:00 Góðan dag og verið velkomin með mbl.is í beina textalýsingu frá öllum leikjum dagsins í Meistaradeild Evrópu í fótbolta. Sjá meira Sjá allt

• Blogga um frétt