Bale mikilvægur þegar LA varð meistari

Gareth Bale lék stórt hlutverk hjá Los Angles FC í nótt þegar liðið varð bandarískur meistari í knattspyrnu í fyrsta skipti með því að sigra Philadelhhia Union í vítaspyrnukeppni í framlengdum úrslitaleik.

Bale var meiddur í aðdraganda leiksins en var kominn aftur í hópinn og var á varamannabekk Los Angeles. Hann kom inn á sem varamaður snemma í framlengingunni og jafnaði metin í 3:3 á lokasekúndum hennar, rétt eftir að Philadelphia virtist hafa tryggt sér sigurinn með sínu þriðja marki.

Í vítaspyrnukeppninni hafði Los Angeles síðan betur, 3:0.

Gareth Bale skorar markið mikilvæga og jafnar metin í 3:3. AFP/Kevork Djansezian

• Blogga um frétt