Stórkostlegt sigurmark Dortmund gegn Chelsea
Karim Adeyemi leikur á Kepa Arrizabalaga, áður en hann skorar sigurmarkið.
AFP/Ina Fassbender
Setja bókamerki
Dortmund fer með 1:0-forystu í seinni leik sínum við Chelsea í 16-liða úrslitum Meistaradeildar Evrópu í fótbolta eftir nauman heimasigur í fyrri leiknum í kvöld. Eftir markalausan fyrri hálfleik skoraði Karim Adeyemi stórglæsilegt sigurmark á 63. mínútu.
Þýski landsliðsmaðurinn fékk boltann á eigin vallarhelmingi eftir horn frá Chelsea, brunaði upp allan völlinn og lék á bæði Enzo Fernández og Kepa Arrizabalaga áður en hann renndi boltanum í netið.
Þrátt fyrir fjölmargar tilraunir hjá Chelsea tókst enska liðinu ekki að skora, þar sem Gregor Kobel átti stórleik í marki Dortmund. Þá bjargaði Emre Can í eitt sinn á línu, en inn vildi boltinn ekki.
Seinni leikurinn fer fram á Stamford Bridge þriðjudaginn 7. mars.
| Dortmund | 1:0 | Chelsea |
|
|---|---|---|---|
| Niklas Süle (Dortmund) fær gult spjald | |||
„Ég veit hver aðkoma ráðuneytisins var“
/frimg/1/46/36/1463611.jpg)
„Það er búið að þvarga hérna fram og til baka“
Guðrún býður sig fram til formanns
Lofaði kjósendum að knýja fram breytingar
„Vindar frelsis fái að leika um samfélagið“
Viðtalið sem sprengdi meirihlutann?