United sló Barcelona úr leik
Setja bókamerki
Antony reyndist hetja Manchester United þegar liðið tók á móti Barcelona í síðari leik liðanna í 24-liða úrslitum Evrópudeildarinnar í knattspyrnu á Old Trafford í Manchester í kvöld.
Leikurinn fór fjörlega af stað og strax á 15. mínútu fengu Börsungar vítaspyrnu þegar Bruno Fernandes greip um Alejandro Baldé, bakvörð Barcelona, í vítateig United.
Clément Turbin, dómari leiksins, benti strax á punktinn og Robert Lewandowski kom boltanum í netið með herkjum en David de Gea í marki United var ansi nálægt því að verja spyrnuna.
Leikmenn United byrjuðu síðari hálfleikinn af miklum krafti og strax á 47. mínútu jafnaði Fred metin eftir laglegt spil.
Anthony, sem var nýkominn inn á sem varamaður átti þá sendingu á Fernandes sem lagði hann fyrir Fred og brasilíski miðjumaðurinn átti hnitmiðað skot, af vítateigslínunni, sem söng í bláhorninu.
Antony kom svo United yfir með marki á 73. mínútu þegar boltinn datt fyrir hann í vítateig Barcelona en hann átti hnitmiðað skot, utarlega í teignum, beint í fjærhornið og Marc-André ter Stegen kom engum vörnum við í marki Barcelona.
Lokatölur á Old Trafford því 2:1, United í vil, en United vann einvígið samanlagt 4:3 og er komið áfram í 16-liða úrslit keppninnar á meðan Barcelona er úr leik.
| Man. Utd | 2:1 | Barcelona |
|
|---|---|---|---|
| +5 mínútur í uppbótartíma. | |||
Skemmdir á tækjum og búnaði á skíðasvæðinu
Neyðarástand: Merki um landris og þúsundir flýja
„Lán að sá sem stóð við ræsið heyrði skruðningana“
/frimg/1/46/36/1463611.jpg)
„Það er búið að þvarga hérna fram og til baka“
„Meiri ágreiningur en við áttum von á“
Tilkynningar um tjón á fjórða hundrað
Kristján Þórður segir af sér