„Lán að Neymar sé meiddur“

Fyrrverandi knattspyrnumaðurinn Christophe Dugarry segir það mikið lán fyrir franska stórliðið París SG að brasilíski sóknarmaðurinn Neymar verði frá út keppnistímabilið vegna meiðsla.

Frétt af mbl.is

Tímabilið búið hjá Neymar

Neymar, sem er 31 árs gamall, meiddist á ökkla gegn Lille í frönsku 1. deildinni þann 19. febrúar og þarf að gangast undir aðgerð vegna meiðslanna.

Sóknarmaðurinn hefur leikið 20 leiki í frönsku 1. deildinni á tímabilinu þar sem hann hefur skorað 13 mörk og lagt upp önnur 11.

Vil ekki sjá hann á vellinum

„Það er lán fyrir PSG að Neymar sé meiddur,“ sagði Dugarry í samtali við franska miðilinn RMC.

„Það er miklu meira jafnvægi í liðinu þegar það spilar með fimm varnarmenn, þrjá á miðjunni og svo Messi og Mbappé fremsta.

Ég er orðinn mjög þreyttur á að horfa á Neymar. Líkamstjáningin hans á vellinum, hversu illa hann verst og ég vil ekki sjá hann á vellinum lengur,“ bætti Dugarry við.

• Blogga um frétt