Burnley í félagaskiptabann

Enska deildakeppnin, EFL, hefur úrskurðað topplið B-deildarinnar í knattspyrnu karla, Burnley, í félagaskiptabann eftir að félagið skilaði ársreikningum of seint til samtakanna.

Þetta kom fram í tilkynningu frá félaginu sjálfu. Þar sagði einnig að búið að væri að skila téðum upplýsingum og að breyting á endurskoðendum hafi orðið þess valdandi að skilin hafi dregist á langinn.

Í tilkynningunni kom einnig fram að félagið hafi fulla trú á því að EFL myndi ekkert athugavert sjá við reikningana og að málið myndi verða leyst í snatri.

Burnley, sem landsliðsmaðurinn Jóhann Berg Guðmundsson leikur með, kvaðst þess fullvisst að EFL myndi aflétta félagaskiptabanninu að yfirferð á ársreikningum lokinni.

• Blogga um frétt