Flautumark Orra tryggði sigurinn

Orri Steinn Óskarsson, kom inn á sem varamaður í liði Sönd­erjyskE á 65. mínútu og skoraði sigurmarkið undir lok leiksins í góðum útisigri á toppliði Vejle, 2:1, í 2. umferð umspils efri hluta dönsku B-deildarinnar í fótbolta í dag.

Sönd­erjyskE er með 38 stig í 3. sæti deildarinnar, sex stigum á eftir Hvidovre, sem reyndar á leik til góða. Vejle er í efsta sætinu með 50 stig.

Sönd­erjyskE var 1:0 yfir þegar Orri kom inn á og þannig stóðu leikar þar til tveimur mínútum fyrir lok venjulegs leiktíma, þegar heimamönnum tókst að jafna metin.

Þegar fjórar mínútur voru komnar fram yfir venjulegan leiktíma skoraði Orri sigurmark SönderjyskE eftir undirbúning Soren Andreasen og góður útisigur Orra Steins og félaga varð staðreynd, 2:1.

Skorað í tveimur leikjum í röð

Þetta var annað mark Orra fyrir Sönd­erjyskE en hann gekk til liðs við liðið í janúar en hann skoraði einnig í síðasta leik.

Frétt af mbl.is

Orri tryggði SönderjyskE stig

• Blogga um frétt