Ítalskur landsliðsmaður lenti í óhugnanlegu slysi

Ítalski knattspyrnumaðurinn Ciro Immobile slapp með minniháttar meiðsli þegar sporvagn ók á bifreið hans í Róm í gærkvöldi.

Sporvagninn fór yfir á rauðu ljósi, með þeim afleiðingum að hann lenti á bifreið framherjans. Var leikmaðurinn fluttur á spítala í kjölfar slyssins, en hann gæti verið rifbeinsbrotinn.

Immobile leikur með Lazio í höfuðborginni. Hann hefur einnig leikið 55 landsleiki með Ítalíu. 

Í myndskeiði sem AGTW birti á Twitter má sjá bíl Immobiles gjöreyðiagðan og leikmanninn sjálfan hrærðan er hann ræðir við sjúkraflutningamenn.

Ciro Immobile í leik með Lazio. AFP/Alberto Pizzoli

• Blogga um frétt