Skoraði eitt af bestu mörkunum (myndskeið)

Íslenski landsliðsmaðurinn Mikael Anderson skoraði eitt af fallegustu mörkum 27. umferðar í dönsku úrvalsdeildinni í knattspyrnu þegar hann tryggði AGF sigur á toppliði Nordsjælland á útivelli á sunnudaginn, 1:0.

Á síðu deildarinnar er mark Mikaels valið sem eitt af fjórum bestu mörkunum og þar geta lesendur kosið um fallegasta markið.

AGF er í fjórða sæti þegar sex umferðir eru eftir, sex stigum á eftir Köbenhavn sem nýtti tækifærið og komst á topp deildarinnar. Mikael og  félagar eru því í harðri baráttu um Evrópusæti.

Mörkin fjögur má sjá í myndskeiðinu:

• Blogga um frétt