Cillesen með kostuleg mistök (myndskeið)

Jasper Cillesen, markvörður NEC Nijmegen og landsliðsmarkvörður Hollands, gerði sig sekan um slæm mistök í leik liðsins gegn Heerenveen í hollensku A-deildinni í fótbolta í gær.

Lokatölur leiksins urðu 3:2 Heerenveen í vil og ljóst að Cillesen svaf ekki mikið í nótt.

Cillesen hélt að hann væri að leyfa boltanum að rúlla framhjá markstönginni en á einhvern óskiljanlegan hátt leyfði hann boltanum að fara í markið.

Cillesen lét reiði sína bitna á markstönginni og skallaði hana af fullum krafti þegar hann hafði áttað sig á mistökunum.

Sjón er sögu ríkari.

• Blogga um frétt