Elías Már skoraði í mikilvægum sigri

Elías Már Ómarsson, leikmaður Breda, skoraði annað mark liðs síns í 2:0-útisigri á Almere City í hollensku B-deildinni í fótbolta í dag.

Breda situr eftir sigurinn í dag í 5. sæti deildarinnar með 59 stig. Liðið á ekki möguleika á að lenda í efstu tveimur sætunum sem gefur sæti í A-deild en liðið tryggði sig í umspil um sæti í A-deild með sigrinum í dag.

Elías gekk í raðir Breda frá franska liðinu Nimes í janúar sl. og hefur farið vel af stað með Breda. Hann hefur spilað 15 leiki fyrir félagið og skorað í þeim níu mörk, þar af fimm í síðustu sex leikjum.

• Blogga um frétt