Róbert Orri byrjaði sinn fyrsta deildarleik - Guðlaugur og Dagur spiluðu
Grétar Bragi Hallgrímsson
Setja bókamerki
Fjöldinn allur af leikjum fór fram í bandarísku MLS-deildinni í fótbolta í nótt. Íslendingar komu við sögu í þremur þeirra.
Montreal vann Toronto, 2:0, í slagnum um Kanada en þrjú lið frá Kanada spila í MLS-deildinni. Róbert Orri Þorkelsson spilaði fyrri hálfleikinn í liði Montreal en þetta var fyrsti deildarleikurinn sem Róbert byrjar inn á síðan hann kom til félagsins frá Breiðabliki fyrir tveimur árum. Montreal situr í 7. sæti Austurdeildar með 15 stig.
D.C. United gerði jafntefli við Nashville, 1:1. Guðlaugur Victor Pálsson lék allan leikinn í vörn D.C. United og komst vel frá sínu. D.C. United situr í 9. sæti Austurdeildar með 15 stig.
Dagur Dan Þórhallsson kom inn á á 75. mínútu þegar Orlando City gerði jafntefli við Columbus Crew, 2:2. Orlando City situr í 11. sæti Austurdeildar með 15 stig.
Þorleifur Úlfarsson, leikmaður Houston Dynamo, var ónotaður varamaður í markalausu jafntefli gegn Seattle Sounders. Houston Dynamo situr í 7. sæti Vesturdeildar með 14 stig.
Inflúensan sækir í sig veðrið
Hljóta að sjá að ekki sé hægt að stoppa þetta
„Engin auðveld leið“ til að takast á við netsvik
Framkvæmdin sem á að breyta Reykjavík
Telur að eldgosahrinan sé að fjara út
Ekki alltaf tekist að manna bráðavakt lækna
Vil ekki sjá eftir neinu í þessu lífi
Sannfærð um að „gullmolar“ leynist í tillögunum