Arsenal vill Eyjakonuna

Cloé Eyja Lacasse, sem gerði góða hluti með ÍBV um fimm ára skeið og er með ís­lensk­an rík­is­borg­ara­rétt, gæti skipt úr Benfica í Portúgal og í enska stórliðið Arsenal.

Portúgalski miðilinn Record greinir frá að félögin séu í viðræðum um kaupverð á sóknarkonunni, sem hefur leikið með Benfica síðan hún yfirgaf ÍBV árið 2019.

Cloé átti afar gott tímabil með Benfica og skoraði 21 mark og gaf 13 stoðsendingar í 21 leik.

Arsenal er í þriðja sæti ensku úrvalsdeildarinnar og féll úr leik í undanúrslitum Meistaradeildar Evrópu.

• Blogga um frétt