Milos óvænt látinn fara

Serbneska knattspyrnufélagið Rauða stjarnan hefur tilkynnt að Milos Milojevic muni ekki halda áfram þjálfun karlaliðs félagsins, þrátt fyrir gott gengi liðins undir hans stjórn.

Mi­los, sem er Ser­bi með ís­lenskt rík­is­fang, hefur náð virkilega góðum árangri með liðið síðan hann tók við því fyrir tímabilið. Er liðið þegar orðið serbneskur meistari og er bikarúrslitaleikur fram undan.

Þrátt fyrir það verður samningur hans við félagið ekki framlengdur og Milos fær því ekki tækifæri til að stýra sigursælasta liði heimalandsins í Meistaradeildinni á næstu leiktíð.

Mi­los lék hér á landi um ára­bil og þjálfaði svo Vík­ing úr Reykja­vík og Breiðablik áður en hann hélt til Svíþjóðar til þess að taka við Mjäll­by. Hann stýrði síðar Hamm­ar­by og svo Mal­mö áður en hann hélt til heima­lands­ins.

• Blogga um frétt