Þorleifur skoraði jöfnunarmark Houston (myndskeið)

Þorleifur Úlfarsson skoraði jöfnunarmark Houston Dynamo þegar liðið gerði 1:1 jafntefli við Dallas á útivelli í bandarísku MLS-deildinni í fótbolta í nótt.

Þorleifur kom inná í leiknum á 56. mínútu og jafnaði leikinn með góðum skalla undir lok leiks, á 85. mínútu eftir sendingu frá Hector Herrera, fyrrum leikmanni Atletico Madrid.

Guðlaugur Victor Pálsson lék allan leikinn í vörn DC United sem rúllaði yfir LA Galaxy á heimavelli, 3:0.

Dagur Dan Þórhallsson spilaði síðustu 6 mínúturnar í sterkum útisigri Orlando City á Inter Miami í nótt, 3:1.

Þá var Róbert Orri Þorkelsson ónotaður varamaður í tapi Montreal gegn New York Red Bulls á útivelli, 2:1.

• Blogga um frétt