Serbneski Íslendingurinn til Svíþjóðar?

Knattspyrnuþjálfarinn Milos Milojevic gæti verið á leið til Svíþjóðar á nýjan leik en hann verður ekki þjálfari Rauðu stjörnunnar á næstu leiktíð.

Frétt af mbl.is

Milos óvænt látinn fara

Sænski blaðamaðurinn Josip Ladan greinir frá því að Milos, sem er fertugur, gæti tekið við stjórnartaumunum hjá AIK.

Milos gerði Rauðu stjörnuna að serbneskum meisturum á dögunum og þá er liðið komið í úrslit bikarkeppninnar þar sem það mætir Cukaricko í Belgrad á fimmtudaginn kemur.

Hann mun láta af störfum að tímabili lokni en talið er að forráðamenn Rauðu stjörnunnar vilji fá reynslumeiri þjálfara til þess að stýra liðinu í Meistaradeildinni á næstu leiktíð.

Milos er fæddur í Serbíu en með íslenskt ríkisfang en hann hefur stýrt Mjällby, Hammarby og Malmö í Svíþjóð og þá er fjölskylda hans búsett þar. 

• Blogga um frétt