Albert orðaður við AC Milan

Ítalska stórveldið AC Milan hefur augastað á knattspyrnumanninum Alberti Guðmundssyni, leikmanni Genoa.

Staðarblaðið Primocanale greinir frá.

Albert fór fyrir Genoa á tímabilinu og átti stóran þátt í að liðið stoppaði stutt í ítölsku B-deildinni og vann sér inn sæti í A-deildinni á ný, ári eftir að hafa fallið úr henni.

Skoraði hann 11 mörk og lagði upp fimm til viðbótar í 36 deildarleikjum á tímabilinu og skoraði auk þess þrjú mörk í tveimur bikarleikjum.

Langafi hans og alnafni, fyrsti íslenski atvinnumaðurinn í knattspyrnu, lék með AC Milan tímabilið 1948/1949 og skoraði þá tvö mörk í 14 leikjum í A-deildinni en missti af stórum hluta tímabilsins vegna alvarlegra meiðsla.

• Blogga um frétt