Blóðgaðist er hann fékk glas í höfuðið

Cristiano Biraghi, fyrirliði Fiorentina, varð fyrir þeirri leiðinlegu lífsreynslu að fá glas í höfuð sitt er hann hugðist taka hornspyrnu í úrslitaleik liðsins gegn West Ham United í Sambandsdeild UEFA í knattspyrnu karla í gærkvöldi.

Stuðningsmenn West Ham urðu sér þar með til skammar en þeir fleygðu ýmsum aðskotahlutum í áttina að Biraghi þar til einn þeirra hæfði hann með hörðu plastglasi.

Frétt af mbl.is

Fyrsti titill West Ham í 43 ár

West Ham hefur síðan fordæmt gjörðir „lítils hluta stuðningsmanna“ í yfirlýsingu.

Er Biraghi hlaut aðhlynningu, þar sem blæddi aftan úr höfði hans, biðlaði vallarkynnirinn á Fortuna-leikvanginum í Prag í Tékklandi  til stuðningsmanna að hætta að fleygja hlutum inn á völlinn og að virða leikmenn og dómara.

Biraghi með myndarlegan vafning á höfðinu. AFP/Joe Klamar

• Blogga um frétt