Komu til baka gegn Úkraínu

Þýskaland og Úkraína skildu jöfn, 3:3, í fjörugum vináttulandsleik þjóðanna í Bremen í Þýskalandi í dag.

Þetta var þúsund­asti landsleikur Þýskalands frá upphafi en að mati Philip Lahm, fyrrverandi landsliðsfyrirliða, valdi þýska knatt­spyrnu­sam­bandið rétt­an mót­herja, Úkraínu.

Frétt af mbl.is

Lahm: Í dag berst Úkraína fyrir frelsi Evrópu

Framherjinn Niclas Füllkrug kom Þjóðverjum yfir á sjöttu mínútu leiksins en á 19. mínútu jafnaði Viktor Tsigankov metin fyrir Úkraínu. Fjórum mínútum síðar setti Antonio Rüdiger boltann í eigið net og kom Úkraínumönnum yfir, 2:1. 

Á 11. mínútu síðari hálfleiksins komust svo Úkraínumenn tveimur mörkum yfir, 3:1, og aftur var Tsigankov að verkum. 

Þegar tíu mínútur voru eftir af leiknum rifu Þjóðverjar sig upp og Kai Havertz minnkaði muninn í 3:2 á 82. mínútu. Það var svo Joshua Kimmich sem jafnaði metin úr vítaspyrnu á fyrstu mínútu uppbótartímans og við stóð, 3.3. 

• Blogga um frétt