Bayern býður í Kane
Setja bókamerki
Þýska knattspyrnufélagið Bayern München hefur lagt fram kauptilboð í enska markahrókinn Harry Kane, sóknarmann enska félagsins Tottenham Hotspur.
The Athletic greinir frá því að tilboðið hljóði upp á 70 milljónir evra, sem nemur um 10,5 milljörðum íslenskra króna, auk ýmissa árangurstengdra ákvæða.
Hinn 29 ára gamli Kane hefur leikið með Tottenham í ensku úrvalsdeildinni allan sinn feril og slegið þar öll markamet félagsins, auk þess að vera markahæsti leikmaður enska A-landsliðsins frá upphafi.
Hann á einungis eitt ár eftir af samningi sínum við uppeldisfélagið og gæti Tottenham því freistast til þess að selja markahrókinn í sumar til þess að koma í veg fyrir að missa hann frá sér á frjálsri sölu næsta sumar.
Manchester United hafði einnig áhuga á Kane fyrr í sumar en ákvað frá að hverfa vegna of mikils kostnaðar við heildarpakkann sem myndi fylgja því að festa kaup á honum.
Real Madríd er sömuleiðis áhugasamt en hefur ekki lagt fram formlegt tilboð.
760 manns eru í vinnu í Grindavík
Ísland í úrslitaleik eftir risasigur
Mærir starfskrafta og samfélagssýn Þórðar Snæs
Orðið lúxusvandamál að velja lögin
„Aldrei tekist áður í heiminum“
Fagnar brú sem hann áður gagnrýndi
E.coli baktería greindist í neysluvatni
