Brjálaður yfir eyðslu Sádi-Araba
Setja bókamerki
John Textor, eigandi franska knattspyrnufélagsins Lyon sem á einnig stóran hlut í enska félaginu Crystal Palace og brasilíska félaginu Botafogo, er ekki á eitt sáttur við að félög frá Sádi-Arabíu bjóði bestu leikmönnum félaganna gull og græna skóga til þess að lokka þá frá liðum sínum.
Alexandre Lacazette, sóknarmaður Lyon og markahæsti leikmaður frönsku 1. deildarinnar á nýafstöðnu tímabili, er nýjasti leikmaðurinn til að vera orðaður við för til Sádi-Arabíu.
Samkvæmt RMC Sport hefur hann þó ekki áhuga á því að færa sig yfir.
Wilfried Zaha, stærsta stjarna Crystal Palace, þar sem Textor á 40 prósent hlut, hefur einnig verið orðaður við brottför til Sádi-Arabíu.
„Sádarnir vilja allt. Þeir vilja besta leikmann minn hjá Lyon, þeir vilja besta leikmann minn hjá Crystal Palace og bestu leikmenn mína og þjálfara hjá Botafogo. Stefna þeirra er að kaupa allt og alla,“ sagði ósáttur Textor í samtali við Canal do TF.
Skjálfti upp á 3,3 við Keili
Mærir starfskrafta og samfélagssýn Þórðar Snæs
Gullhúðun stöðvar Hvammsvirkjun
E.coli baktería greindist í neysluvatni
Hringvegurinn settur á óvissustig
Ísland í úrslitaleik eftir risasigur
Sigldu yfir tún til að bjarga innlyksa konu
Veltir deilumálinu fyrir sér
