Úr efstu deild Ítalíu í B-deild Danmerkur?

Þórir Jóhann Helgason, landsliðsmaður í knattspyrnu, er líklega á leiðinni til AaB frá Álaborg á lánssamningi með kauprétti frá ítalska A-deildarfélaginu Leece. 

Ítalski miðillinn Quotidiano di Puglia greinir frá.

Samkvæmt miðlinum er samkomulag um kaupverð á milli félagana nú þegar í höfn en í samningnum verður ákvæði þar sem Leece getur keypt Íslendinginn aftur á ákveðna upphæð. 

Þórir Jóhann tilkynnti þjálfara sínum og forráðamönnum Leece um að hann vildi fara til þess að spila meira og það var samþykkt. 

AaB er eitt stærsta félag í Danmörku en liðið féll niður í B-deildina á nýliðnu tímabil sem gerði allt vitlaust á meðal stuðningsmanna liðsins. 

Í samtali við danska miðilinn bold.dk segir Ole Jan Kappmeier, íþróttastjóri AaB, að hann geti ekki tjáð sig um hvort Þórir sé á lista Álaborgarfélagsins eða hvort AaB hafi talað við umboðsmann Þóris. 

„Við fylgjumst með mjög mörgum leikmönnum, og auðvitað þekkjum við hann þar sem hann er frá Norðurlöndunum,“ bætti íþróttastjórinn við.

• Blogga um frétt