Breiðablik fær einn séns í viðbót

Breiðablik vann Zr­injski, 1:0, í 3. um­ferð Evr­ópu­deild­ar karla í knatt­spyrnu á Kópa­vogs­velli í kvöld. Þetta var síðari leik­ur liðanna en bosn­íska liðið vann fyrri leik­inn 6:2 og ein­vígið því sam­an­lagt 6:3.

Leik­ur­inn byrjaði ansi ró­lega og lágu leik­menn Breiðabliks til baka í upp­hafi án þess þó að gest­irn­ir sköpuðu mikið. Fyrsta færið kom þó á 10. mín­útu þegar Nem­anja Bil­bija komst einn inn fyr­ir eft­ir stungu­send­ingu en Brynj­ar Atli mætti hon­um vel og tók bolt­ann.

Blikar fóru hægt og ró­lega að vinna sig inn í leik­inn og á 36. mín­útu fékk Hösk­uld­ur Gunn­laugs­son flott færi inni í teig gest­anna en skaut yfir. Hann var síðan aft­ur á ferðinni 43 mín­útu þegar Ja­son brun­ar upp í skynd­isókn, gef­ur bolt­ann á Gísla sem skor­ar en markið var dæmt af sök­um rang­stöðu. Fleira markvert gerðist ekki í fyrri hálfleik og staðan 0:0 þegar liðin gengu til bún­ings­her­bergja.

Síðari hálfleik­ur byrjaði ró­lega og gerðist lítið fyrstu 10 mín­út­urn­ar. En þá fóru blikar í gang. Á 54. mín­útu komst Breiðablik í 1:0 þegar Davíð Ingvars­son kom með fyr­ir­gjöf inn í víta­teig gest­anna sem settu bolt­ann í eigið mark. Markið var eins og víta­mínsprauta fyr­ir Breiðablik sem sóttu strax aft­ur að markið Zr­injski og fengu horn­spyrnu. Úr henni skallaði Klæm­int bolt­ann í stöng­ina úr sann­kölluðu dauðafæri. Blikar unnu bolt­ann strax aft­ur og fékk Hösk­uld­ur bolt­ann og skaut yfir.

Á 64. mín­útu meidd­ist Krist­inn Stein­dórs­son og kom Ágúst Eðvald Hlyn­sosn inn á I hans stað.

Á 80. mín­útu hneig leikmaður HSK Zr­injski, Mario Tic­in­ovic niður við hliðarlín­una og leit at­vikið væg­ast sagt illa út. Eft­ir aðhlynn­ingu gat hann þó staðið sjálf­ur upp og var skipt út af.

Á 85. mín­útu vildu leik­menn Breiðabliks fá víta­spyrnu. Eft­ir mjög fljóta at­hug­un ákvað dóm­ar­inn í sam­ráði við aðstoðar­menn í mynd­bands­her­berg­inu að dæma ekk­ert. Ekk­ert markvert gerðist eft­ir þetta og loka­töl­ur á Kópa­vogs­velli 1:0 fyr­ir Breiðablik sem er á leið í um­spil um laust sæti í riðlakeppni Sam­bands­deild­ar­inn­ar.

Breiðablik	1:0	Zr­injski	Opna lýs­ingu Loka
90. mín. Dóm­ar­inn bæt­ir 6 mín­út­um við leik­inn.
Breiðablik (54. mín.) Mörk Oliver Sigurjónsson (73. mín.) Spjöld Hrvoje Barisic (45. mín.) Dario Canadjija (90. mín.) mín. 90 Leik lokið 90 Dario Canadjija (Zrinjski) fær gult spjald 90 Dómarinn bætir 6 mínútum við leikinn. 86 Damir Muminovic (Breiðablik) á skot framhjá Skýtur framhjá úr aukaspyrnu á góðum stað. 85 Breiðablik (Breiðablik) VAR Blikar vilja víti og þetta var skoðað. Niðurstaðan er að ekkert er dæmt. 81 Kerim Memija (Zrinjski) kemur inn á 81 Mario Ticinovic (Zrinjski) fer af velli 81 Ágúst Orri Þorsteinsson (Breiðablik) kemur inn á 81 Oliver Sigurjónsson (Breiðablik) fer af velli 81 Leikmaður gestanna hneig niður. Lítur ekki vel út. 79 Franko Sabljic (Zrinjski) kemur inn á 79 Matija Malekinusic (Zrinjski) fer af velli 79 Matej Senic (Zrinjski) kemur inn á 79 Slobodan Jakovljevic (Zrinjski) fer af velli 75 Lítið að gerast þessa stundina. Blikar eru þó að reyna að sækja sér eitthvað. Þeir eru meira með boltann og gera atlögur. Vonandi fer það að skila sér. Þrjú mörk í viðbót duga til að sækja framlengingu. 73 Oliver Sigurjónsson (Breiðablik) fær gult spjald 70 Nemanja Bilbija (Zrinjski) á skalla yfir 69 Höskuldur þarf aðhlynningu. Vonandi ekkert alvarlegt. 64 Ágúst Eðvald Hlynsson (Breiðablik) kemur inn á 64 Kristinn Steindórsson (Breiðablik) fer af velli Fer meiddur af velli. 60 Mato Stanic (Zrinjski) kemur inn á 60 Tomislav Kis (Zrinjski) fer af velli 60 Gísli Eyjólfsson (Breiðablik) á skot yfir 57 Klæmint Olsen (Breiðablik) á skalla í stöng Dauðafæri eftir hornspyrnuna. 57 Breiðablik fær hornspyrnu 54 MARK! Breiðablik (Breiðablik) skorar 1:0 - Slobodan skorar hér sjálfsmark. 50 Tomislav Kis (Zrinjski) á skot yfir 46 Seinni hálfleikur hafinn Gestirnir hefja síðari hálfleik. 46 Klæmint Olsen (Breiðablik) kemur inn á 46 Andri Rafn Yeoman (Breiðablik) fer af velli 45 Hálfleikur Blikar fara með stöðuna 0:0 í hálfleik. Það er þó betra en staðan var eftir 45 mínútur í fyrri leiknum. 45 Breiðablik fær hornspyrnu Davíð neglir boltanum að marki úr aukaspyrnunni sem fer í varnarvegginn og aftur fyrir. Hornspyrna. 45 Uppbótartími er amk. ein mínúta. 45 Hrvoje Barisic (Zrinjski) fær gult spjald 45 Aukaspyrna á flottum stað. Blikar geta gert eitthvað úr þessu. 43 Blikar skora frábært mark sem er dæmt af! Hárréttur dómur. Gísli skoraði eftir sendingu frá Jason en réttilega dæmd rangstaða. 41 Zrinjski fær hornspyrnu 36 Gísli Eyjólfsson (Breiðablik) á skot yfir Gísli í flottu færi en setur boltann yfir markið. 35 Breiðablik fær hornspyrnu Blikar aðeins að vakna. Sækja hér hornspyrnu. Sjáum hvað gerist. 32 Tomislav Kis (Zrinjski) á skot yfir Skaut yfir úr aukaspyrnu utan teigs. 28 Gísli Eyjólfsson (Breiðablik) á skot yfir Blikar vinna boltann á hættulegum stað. Gísli brunar upp miðjuna, gefur a Höskuld sem gefur aftur á Gísla en hann þrumar boltanum yfir markið. 26 Fyrsta alvöru sókn blika í þessum leik. Þeir komust upp að vítateig gestanna. það kom ekkert út úr þessu en þetta er jákvætt. 15 Zrinjski fær hornspyrnu Kis í dauðafæri en Blikar ná að hreinsa í horn. Þetta lítur nú ekki vel út fyrir Breiðablik hér í byjrun því þeir liggja mjög aftarlega og skapa ekkert. Það er vonlaus staða ef þeir ætla að finna upp tap síðasta leiks. 13 Zrinjski fær hornspyrnu 10 Gestirnir komast í dauðafæri þar sem stungusending endar í fanginu á Brynjari Atla eftir glæsilegt úthlaup. 9 Bilbija reynir fast skot utan teigs sem vörnin tekur. 8 Róleg byrjun á leiknum. 6 Zrinjski fær hornspyrnu Góð fyrirgjöf þar sem gestirnir komast í mjög hættulega stöðu en Blikar ná að hreinsa frá. 1 Leikur hafinn Þá er síðari leikurinn hafinn. 0 Höskuldur Gunnlaugsson og Nemanja Bilbija fyrirliðar skiptast á fánum liðanna og takast í hendur. Nú er þetta alveg að hefjast. Blikar munu byrja með boltann. 0 Vallarþulurinn kynnir byrjunarliðin. Það eru núna 7 mínútur í að leikur hefjist. Fólk er farið að gera sig klárt í stúkunni fyrir vonandi skemmtilegan fótboltaleik. 0 Eins og fyrr segir unnu Zrinjski fyrri leikinn 6:2. Þetta er því ansi langsótt fyrir Breiðablik. 4:0 sigur kemur þeim í framlengingu eða fjögurra marka sigur. Vonum það besta fyrir okkar lið. 0 Blikar eru ekki með fullmannaðan varamannabekk hér í kvöld. 0 Fyrri leiknum í Bosníu lauk með öruggum sigri Zrinjski, 6:2. 0 Komiði sæl og blessuð og verið velkomin með mbl.is í beina textalýsingu frá síðari leik Breiðabliks og Zrinjski í 3. umferð Evrópudeildar karla í knattspyrnu. Sjá meira Sjá allt Breiðablik: (4-3-3) Mark: Brynjar Atli Bragason. Vörn: Höskuldur Gunnlaugsson, Damir Muminovic, Viktor Örn Margeirsson, Andri Rafn Yeoman (Klæmint Olsen 46). Miðja: Anton Logi Lúðvíksson, Oliver Sigurjónsson (Ágúst Orri Þorsteinsson 81), Gísli Eyjólfsson. Sókn: Jason Daði Svanþórsson, Kristinn Steindórsson (Ágúst Eðvald Hlynsson 64), Davíð Ingvarsson. Varamenn: Anton Ari Einarsson (M), Hilmar Þór Helgason (M), Arnór Sveinn Aðalsteinsson, Ágúst Orri Þorsteinsson, Atli Þór Gunnarsson, Klæmint Olsen, Ágúst Eðvald Hlynsson, Kristófer Ingi Kristinsson, Ásgeir Helgi Orrason. Zrinjski: (4-3-3) Mark: Marko Maric. Vörn: Josip Corluka, Slobodan Jakovljevic (Matej Senic 79), Hrvoje Barisic, Mario Ticinovic (Kerim Memija 81). Miðja: Antonio Ivancic, Tomislav Kis (Mato Stanic 60), Dario Canadjija. Sókn: Mario Cuze, Nemanja Bilbija, Matija Malekinusic (Franko Sabljic 79). Varamenn: Omer Nir'on (M), Antonio Soldo (M), Ivan Jukic, Damir Zlimislic, Franko Sabljic, Tarik Ramic, Mato Stanic, Petar Misic, Antonio Prskalo, Ivica Batarelo, Kerim Memija, Matej Senic. Skot: Breiðablik 6 (2) - Zrinjski 3 (0) Horn: Breiðablik 3 - Zrinjski 4. Lýsandi: Jón Kristinn Jónsson Völlur: Kópavogsvöllur Leikur hefst 17. ágú. 2023 17:30 Aðstæður: Gola og skýjað. Dómari: Anastasios Papapetrou, Grikklandi Aðstoðardómarar: Tryfon Petropoulos og Iordanis Aptosoglou, Grikklandi

• Blogga um frétt