Nær allt þjálfarateymi Spánar segir upp

Meirihlutinn af teymi spænska kvennalandsliðsins í knattspyrnu sagði upp störfum í dag. Jorge Vilda, umdeildi aðalþjálfari liðsins, var ekki meðal þeirra.

Í yfirlýsingu segist starfsliðið gera þetta vegna þess að Luis Rubiales, for­seti spænska knatt­spyrnu­sam­bands­ins, kyssti Jenni Hermoso, leikmann liðsins, án hennar samþykkis.

Frétt af mbl.is

„Ég samþykkti aldrei þennan koss“

Óviðunandi viðhorf

„Í ljósi óviðunandi viðhorfa og yfirlýsinga leiðtoga spænska knattspyrnusambandsins, höfum við tekið þá ákvörðun að segja upp störfum,“ segir í yfirlýsingu sem 11 starfsmenn liðsins skrifa undir, eða allt teymið fyrir utan Jorge Vilda.

Luis Ru­bia­les kom fram í gær og sagðist ekki ætla að segja af sér.

Frétt af mbl.is

Forsetinn neitar að segja af sér

Spánverjar urðu heimsmeistarar eftir sigur á Englandi í úrslitaleiknum síðastliðinn sunnudag.

• Blogga um frétt