Móðir forsetans útskrifuð af sjúkrahúsi
Setja bókamerki
Ángeles Béjar, móðir Luis Rubiales, forseta spænska knattspyrnusambandsins, hefur verið útskrifuð af sjúkrahúsi eftir að hafa verið lögð inn í gær.
Béjar var á þriðja degi hungurverkfalls í kirkju í bænum Motril á suðurströnd Spánar vegna þess sem hún kallar ósanngjarna meðferð í garð sonar síns.
Rubiales hefur verið harðlega gagnrýndur vegna hegðunar sinnar eftir að Spánn varð heimsmeistari kvenna fyrr í mánuðinum, en hann kyssti leikmanninn Jennifer Hermoso á munninn án hennar samþykkis og greip um klof sitt í fagnaðarlátunum.
„Henni leið ekki vel vegna hitans og alls annars. Fætur hennar höfðu bólgnað og hún var mjög þreytt. Hún var einnig orðin mjög kvíðin,“ sagði prestur sem starfar í kirkjunni, Antonio að nafni, í samtali við spænska fjölmiðla í gær.
Spænski miðillinn EFE greindi frá því í morgun að Béjar hafi brugðist vel við meðhöndlun á sjúkrahúsi áður en hún var útskrifuð, þar sem sonur hennar Rubiales fylgdi henni.
/frimg/1/43/52/1435282.jpg)
Ekki hefur komið fram hvort Béjar hyggist halda hungurverkfallinu áfram en áður hafði hún látið hafa eftir sér að hún væri reiðubúin að deyja fyrir málstaðinn og myndi vera í verkfalli dag og nótt.
Stefnt að afgreiðslu Íslandsbankasölu á vorþingi
Skotinn til bana við skyldustörf
Ekki of seint að fá inflúensusprautuna
Viðurkennir ábyrgð og segir af sér
„Þetta er ógnvænleg staða“
Inga Sæland fyrir og eftir ráðherrastólinn
Viljum hvorki vera Danir né Bandaríkjamenn