Luis Rubiales, forseti spænska knattspyrnusambandsins, gæti verið á leið í allt að fjögurra ára fangelsi, verði hann fundinn sekur um kynferðislega áreitni í garð Jenni Hermoso, leikmanns spænska kvennalandsliðsins.

Það er Guardian sem greinir frá þessu en í gær bárust fréttir af því að Hermoso hefði lagt fram formlega kvörtun vegna forsetans.

Frétt af mbl.is

Hermoso með opinbera kvörtun

Það hefur gustað hressilega um Rubiales eftir hegðun hans á úrslitaleik heimsmeistaramótsins í Sydney í Ástralíu þar sem Spánn vann 1:0-sigur gegn Englandi.

Á verðlaunahendingunni kyssti Rubiales svo Hermoso á munninn, í hennar óþökk, og spænska saksóknaraembættið skoðar það nú hvort grundvöllur sé fyrir því að ákæra forsetann fyrir kynferðislega áreitni.

Verði hann fundinn sekur gæti hann átt von á fjársekt eða fangelsisvist, frá einu ári upp í allt að fjögur ár.

Tengdar fréttir

Rubiales í vanda

Koss án „þöguls samþykkis“ kynferðisofbeldi

• Er það vegna þess að ég er karlmaður?
• Húsleit í íbúð Rubiales
• Rubiales mætir fyrir rétt
• Bar vitni gegn fyrrverandi forsetanum

» Fleiri tengdar fréttir

• Blogga um frétt