Átti Barcelona að fá tvö víti? (myndskeið)

Xavi Her­nández, knattspyrnustjóra Barcelona í spænsku 1. deildinni, fannst augljóslega brotið á  Raphinha inn í vítateig Rayo Vallecano í 1:1 jafntefli liðanna í gær.

„Við unnum ekki því við vorum ekki góðir í fyrri hálfleik í dag en þetta er augljóslega vítaspyrna,“ sagði Xavi eftir leikinn.

Alfonso Espino virðist missa af boltanum og sparka undir Raphina sem var í marktækifæri inn í vítateig en atvikið var ekki skoðað af VAR-myndbandsdómgæslunni.

Stuðningsmenn Barcelona á samfélagsmiðlum vilja meina að liðið átti að fá tvær vítaspyrnur í leikum en auk þess að það var mögulega brotið á Raphina þá var Robert Lewandowski snúinn niður inn í vítateig Rayo Vallecano.

Barcelona er nú í fjórða sæti með 31 stig, þremur stigum frá toppliði Girona, en Girona, Real Madríd og Atlético Madríd, sem eru liðið fyrir ofan Barcelona, eiga öll leik til góða.

• Blogga um frétt