Ancelotti áfram á Spáni?
Setja bókamerki
Forráðamenn knattspyrnufélagsins Real Madrid á Spáni ætla að bjóða stjóranum Carlo Ancelotti nýjan samning hjá félaginu.
Það er spænski miðillinn Relovo sem greinir frá þessu en Ancelotti, sem er 64 ára gamall, verður samningslaus í spænsku höfuðborginni að tímabilinu loknu.
/frimg/1/42/55/1425554.jpg)
Ancelotti snéri aftur til Real Madrid sumarið 2021 og varð liðið Spánar- og Evrópumeistari undir hans stjórn árið 2022 og þá gerði hann liðið að bikarmeisturum á síðustu leiktíð.
Hann hefur verið sterklega orðaður við þjálfarastöðuna hjá brasilíska karlalandsliðinu að undanförnu en hann hefur einnig stýrt stórliðum á borð við Juventus, AC Milan, Chelsea, París SG og Bayern München á ferlinum.
Real Madrid situr sem stendur á toppi spænsku 1. deildarinnar með 35 stig, stigi meira en Girona sem er í öðru sætinu, og fjórum stigum meira en ríkjandi Spánarmeistarar í Barcelona.
Bendir hveitifyrirtæki á kærumöguleika
Ráðast í átak eftir smitið á Mánagarði
Stefnt að afgreiðslu Íslandsbankasölu á vorþingi
Inga Sæland fyrir og eftir ráðherrastólinn
Skotinn til bana við skyldustörf
Vonast til að menn sjái alvöru málsins
Íbúar komnir heim á ný