Íslensk stoðsending í Evrópudeildinni

Kristian Nökkvi Hlynsson lagði upp þriðja mark hollenska liðsins Ajax þegar liðið heimsótti Marseille í B-riðli Evrópudeildar karla í knattspyrnu í Frakklandi í kvöld.

Leiknum lauk með naumum sigri Marseille, 4:3, en Pierre-Emerick Aubameyang skoraði þrennu fyrir Marseille í leiknum og tryggði liðinu sigur með marki úr vítaspyrnu í uppbótatíma.

Kristian Nökkvi kom inn á sem varamaður hjá Ajax í hálfleik en liðið er með 2 stig í fjórða og neðsta sæti riðilsins.

Ajax á þó ennþá möguleika á því að enda í þriðja sætinu og komast þannig í útsláttarkeppni Sambandsdeildarinnar en hollenska liðið tekur á móti AEK Aþenu, sem er í þriðja sætinu með 4 stig, í lokaumferðinni í Hollandi hinn 14. desember.

Þá tapaði Häcken fyrir Bayer Leverkusen frá Þýskalandi í H-riðli keppninnar í Svíþjóð, 2:0, en Valgeir Lundal Friðriksson lék ekki með Häcken vegna meiðsla. 

Sænska liðið er án stiga í neðsta sæti riðilsins og á ekki möguleika á því að komast í útsláttarkeppni Sambandsdeildarinnar.

Úrslit dagsins í Evrópudeildinni:

A-riðill:
Freiburg – Olympiacos 5:0
Backa Topola – West Ham 0:1

B-riðill:
AEK Aþena – Brighton 0:1
Marseille – Ajax 4:3

C-riðill:
Sparta Parg – Real Betis 1:0
Rangers – Aris Limassol 1:1

D-riðill:
Atalanta – Sporting 1:1
Sturm Graz – Raków 0:1

E-riðill:
Liverpool – LASK 4:0
Toulouse – Union Saint-Gilloise 0:0

F-riðill:
Maccabi Haifa – Rennes 0:3
Villarreal – Phanathinaikos 3:3

G-riðill:
Servetta – Roma 1:1
Sheriff Tiraspol – Slavia Prag 2:3

H-riðill:
Molde – Qarabag 2:2
Häcken – Bayer Leverkusen 0:2

• Blogga um frétt