Lögregluþjónar særðust og stuðningsmönnum meinaður aðgangur
Setja bókamerki
Þrír lögregluþjónar særðust er stuðningsmenn pólska liðsins Legia Varsjá skutu flugeldum í þá fyrir leik þess gegn Aston Villa í Sambandsdeild Evrópu í knattspyrnu karla í Birmingham á Englandi í gærkvöldi.
Daily Mail greinir frá því að stuðningsmenn Legia hafi verið ósáttir við hversu fáa miða félagið fékk úthlutað á Villa Park og sendi Legia frá sér formlega yfirlýsingu þar sem sú ákvörðun Aston Villa var gagnrýnd.
Lenti stuðningsmönnunum saman við lögreglu, sem hélt þeim á bílastæði fyrir utan leikvanginn. Varð það þess valdandi að ekki einn einasti stuðningsmaður Legia var mættur í áhorfendastúkuna þegar leikurinn hófst.
Vegna hegðunar þeirra var þeim svo ekki hleypt inn á leikvanginn allan leikinn. Tók forráðamenn Aston Villa ákvörðun um það eftir að hafa ráðfært sig við lögregluna í Vestur-Miðlöndum.
Lauk leiknum með 2:1-sigri Villa.
Vonast til að menn sjái alvöru málsins
Staðan alvarleg og stutt í aðgerðir
Fjöldi staura brotnaði og línur slitnuðu
Lætur strax að sér kveða á fyrsta sólarhringnum
Ætla ekki að skila peningnum
Vara við svindli í Zagreb