Frír bjór í Kaupmannahöfn eftir sigurinn

Það var frábær stemning á Parken í Kaupmannahöfn í gær þegar Köbenhavn tryggði sér sæti í 16-liða úrslitum Meistaradeildar karla í knattspyrnu með sigri gegn Galatasaray í lokaumferð A-riðils keppninnar.

Leiknum lauk með naumum sigri Köbenhavn, 1:0, en það var Lukas Lerager sem skoraði sigurmarkið á 58. mínútu.

Frétt af mbl.is

FC Köbenhavn í 16-liða úrslit eftir sigur á Galatasaray

Þegar úrslitin lágu fyrir ákvað félagið að bjóða öllum stuðningsmönnum Köbenhavn upp á frían bjór á Parken.

„Til hamingju allir stuðningsmenn Köbenhavn!“ birtist á stórum skjá á Parken.

„Það er frír bjór og vatn fyrir alla stuðningsmenn sem eru á leiðinni af Parken,“ stóð enn fremur í textanum sem birtist á skjánum. 

• Blogga um frétt