Máttu sætta sig við töp fyrir stórveldum
Setja bókamerki
Íslensku landsliðskonurnar Guðrún Arnardóttir og Natasha Anasi-Erlingsson voru í eldlínunni með félagsliðum sínum Rosengård og Brann þegar þau mættu sannkölluðum stórveldum í Meistaradeild Evrópu í knattspyrnu í kvöld.
Guðrún lék allan leikinn í vörn Rosengård þegar liðið tók á móti ríkjandi Evrópumeisturum Barcelona í Malmö í A-riðli.
Lauk leiknum með öruggum 6:0-sigri Börsunga.
Í hinum leik riðilsins vann Benfica góðan 1:0-sigur á Eintracht Frankfurt.
Svava Rós Guðmundsdóttir lék ekki með Benfica vegna meiðsla.
Barcelona er á toppi riðilsins með fullt hús stiga, níu, eftir þrjá leiki og Benfica er sæti neðar með sex stig. Rosengård rekur lestina án stiga.
Brann enn í góðri stöðu
Natasha lék líkt og Guðrún allan leikinn í vörn Brann þegar liðið heimsótti áttfalda Evrópumeistara Lyon til Frakklands í B-riðli.
Lauk þeim leik með 3:1-sigri Lyon.
Lyon er á toppnum með níu stig og Brann er í öðru sæti með sex.
St. Pölten og Slavia Prag, sem gerðu markalaust jafntefli í hinum leiknum, eru í þriðja og fjórða sæti með eitt stig hvort.
Vopnahléi frestað
Plástrameðferðir sem duga skammt
Telja samþykkt um skóla markleysu
„Ekkert horft á þarfir samfélagsins“
Vara við aukinni snjóflóðahættu á Austfjörðum