Fyrsti leikurinn fyrir Liverpool í tæp tvö ár

Enski knattspyrnumaðurinn Kaide Gordon er í byrjunarliði Liverpool fyrir leik liðsins gegn Union St. Gilloise í lokaumferð E-riðils Evrópudeildarinnar í Belgíu í dag. Langt er um liðið síðan Gordon lék síðast fyrir aðalliðið.

Síðast lék hann fyrir aðalliðið í janúar árið 2022 en glímdi í kjölfarið við erfið meiðsli um 19 mánaða skeið. Eru því tæplega tvö ár liðin síðan Gordon lék síðast með aðalliði Liverpool.

Frétt af mbl.is

Ungstirni Liverpool sneri aftur eftir 19 mánaða fjarveru

Tímabilið 2021-22 lék Gordon fjóra leiki fyrir aðalliðið og skoraði í þeim eitt mark áður en hann meiddist.

Hann greind­ist þá með stoðkerf­is­vanda­mál í mjaðmagrind­inni, vanda­mál sem steðjar að ungmenn­um og má lýsa sem eins kon­ar vaxt­ar­verkj­um.

Sneri Gordon, sem er 19 ára gamall, aftur á völlinn með U21-árs liði Liverpool í september síðastliðnum og hefur undanfarna mánuði æft með aðalliðinu.

Liverpool er þegar búið að tryggja sér sigur í E-riðli Evrópudeildarinnar og fær því nokkur fjöldi ungra leikmanna tækifærið í byrjunarliðinu í leiknum, sem hefst klukkan 17.45.

• Blogga um frétt