Ráðinn til starfa í Færeyjum

Knattspyrnuþjálfarinn ungi Svanberg Óskarsson hefur verið ráðinn til starfa hjá KÍ frá Klaksvík í Færeyjum.

Svanberg, sem er 26 ára, hefur verið ráðinn inn í þjálfarateymi kvennaliðs félagsins og þá mun hann einnig þjálfa U16 ára lið karla.

Svanberg var síðast þjálfari U18 ára liðs kvenna í Fortuna Hjørring í Danmörku. Íslendingurinn er með UEFA B-þjálfaragráðu.  

Karlalið KÍ sló rækilega í gegn í Evrópukeppnum í ár og varð fyrsta liðið til að komast í riðlakeppni í Evrópukeppni, eftir glæsta sigra á leiðinni. 

• Blogga um frétt